جمع گشتن زنان بجا آوردن رسومات شادی 253۔ مٹھی آکھ کے ایہہ گل دوڑ آئی اُسنوں پچھے سی کم ضرور میاں لسی مندری کھڈاوندی ہیر تائیں دل سیدے دے ہور سرور میاں آئیاں ہوئیاں اکٹھیاں سب رناں ہر اک سی شک وی ہور میاں مُقبل لاہ چھلا وچ تھال پایا ہیسی لسی دے نال بھرپور میاں 254۔ اک در ہیر بیٹھی اک در ہویا سیدا گردے پایا ہے رناں نے آن کھہڑا نالے ہسدیاں کھیڈدیاں گاؤندیاں آہو اکٹھیاں کرن جھیڑا پئیاں جھاکدیاں مورنیاں وانگ سبھے چھلا تھال تھیں لیاوندا ہتھ کیہڑا مُقبل چھلا آوندا ہتھ ہیر دے جیؤ پشیمان خوار بھی ہویا کھیڑا 255۔ دوجی وار انگوٹھڑی پائے سیدا بیٹھا ہوئیکے خبردار میاں اکھیں میٹ کے مُول نہ جھاکدا ہے ہیر پھیر ہوئی ہشیار میاں پچھوں ہوئیکے بیٹھئے ہیر جٹی ہؤ بیٹھے نے پھیر تیار میاں بسم اللہ کر ہیر نے ہتھ پایا لیائی مقبلا دوسری وار میاں
