Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 284-252

ہیر مقبل 284-252

شاہ جہان مقبل
January 26th, 2008

248۔
تیل چوہ کے پلہنگ وچھاء آئیاں سیدا ہیر دے نال سُلاونے نوں
باہوں پکڑ بہاوندیاں جا سیاں گلاں کر دیاں من پرچاونے نوں
بیڑی پان دی چب کے سیدا بیٹھا مُشک لاوندا ہیر دے پاونے نوں
سہتی ہس کے آکھدی مُقبلے نوں رکھیں شیرنی ہیر دے کھاونے نوں
249۔
مِٹھی نائین آکھدی ہیر تائیں اوپر پلہنگ دے جائیکے بیٹھ ہیرے
لاہ کپڑے اپنے رکھ سارے اُٹھ سیج وچھائے کے بیٹھ ہیرے
مل وٹنا ہار سنگار سارا ہور مُشک لگائیکے بیٹھ ہیرے
سیدے مُقبلے یار پیارڑے نوں جان دے نال لائیکے بیٹھ ہیرے
250۔
سُتی ہیرجاں جائیکے پلہنگ اُتے پچھوں لگا ہے سیدے دا دا میاں
لاچار ہو ہیر حیران ہوئی جائے سوندی پلہنگ تے جا میاں
جُتی لاہ کے پلہنگ تے لت دھردا دل اوس دے وچ سی چاء میاں
باہی بھج پئی ہیر وچ موج آئی مقبل کردا ہے ہائے ہاء میاں
251۔
پیر سج گیا بہت درد ہوئی خلقت آوندی سیدے دے ویکھنے نوں
اک آکھدی گھٹ کے سنگھ نہنوں،اک دین صلاح پیر چمنے نوں
ملن تیل تے اَٹ دا سیک کر دے دید آندیونے دارو دسنے نوں
دُعا ہیر دی رب قبول کیتی کُڑیاں آندیاں مقبلا ہسنے نوں
252۔
مٹھی جائیکے رانجھے نوں خبر کر دی ہیر آکھدی سبہ نکاح میاں
رب کیتے نے کم آسان ساڈے دشمن ہوئے نے سب تباہ میاں
ملناں تیرا تے سانوں ہے کھرا اوکھا اُٹھ تخت ہزارے نُوں جاء میاں
زندہ رہے تاں ملاں گے مُقبلے نُوں مر گئی تاں نپہ خدا میاں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels