238۔ مارے کھیڑیاں ہرن تے بہت پاہڑے حکم نال کباب کراؤندے نی سارے کھاء کباب محظوظ ہوئے خاطر ہیر دی بھی رکھواؤندے نی مجلس لاء اُجاڑ دے وچ بیٹھے خوشی نال شراب منگاوندے نی مُقبل سد کے جوڑیاں ڈھاڈیاں دا رنگ رنگ دے راگ سُناوندے نی مرا جعت کھیڑیاں از شکارومشاہدہ رانجھا با ہیر در مخفی 239۔ کھیڑے کھأ شراب کباب بہہ کے محظوظ ہو ڈولی دے پاس آئے وچ ڈولی دے چاک نوں ویکھیونے آتش سنگدے اوٹھاندی جیؤدھائے فکر کیتو نے چاک دے مارنے دا اکھیں گہریاں متھے تے وٹ پائے آن پئے ہی مُقبلا رانجھنے تے دُکھ لگ دا کُوکدا ہائے ہائے 240۔ مالا گلے دی ہیر نے توڑ دتی خاطر یار دی پج بناوندی ہے مالا گلے دی ٹُٹ کے کھنڈ گئی کائی گل نہ آکھنے جاوندی ہے سارے کھیڑیاں رل صلاح کیتی ساڈے ننگ نوں ہیر گواوندی ہے مُقبل مار گوائیے چاک نُوں جی ایہو جی اساڈے نُوں بھاوندی ہے 241۔ مالا چُگنے پاس بہایا سی نہیں ہویا اوپرا چاک میرا لائے کسے جی ایس نوں پھُل دی جیؤ زہر کھا مراں ایہو واک میرا سانوں عشق مجازی دی لوڑ نائیں مولا جاندا عشق ہے پاک میرا نال چاک دء بہن چروکناں ہے مُقبل جاندا انگ تے ساک میرا 242۔ کھیڑے رانجھے دے کھہڑیوں باز آئے سُن کے ہیر دا روک جواب میاں چلے وگ کے رنگپور کھیڑیاں دے اُٹھ بجلی وانگ شتاب میاں تہمت ہیر دے ذمیوں دور ہوئی ہویا رانجھے دا پاک حساب میاں پُہنچے منزلیں رنگپور کھیڑیاں دے مُقبل جاندا انگ تے ساک میاں
