Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 233-237

ہیر مقبل 233-237

شاہ جہان مقبل
January 26th, 2008

233۔
راہ جاوندے اک تھاں جائے بیٹھے جیؤ لوچدا شیر شکار تائیں
سبھے گھوڑیاں دے اسوار ہوئے مارن ہرن بھارے روزگار تائیں
پاس ڈولی دے چاک نوں چھڈیونے نال اپنے چار کہار نائیں
ہویا فضل تے ہیر دا داء لگا بہہ ملے نشنگ ہو یار تائیں
234۔
اُٹھی ہیر تے سد یار رانجھنے نوں وچ ڈولی دے بیٹھ توں نہ اء میاں
تیرے مہنے اساں قبول کیتے نہیں کسے تھیں مُول شرماء میاں
ایہناں دوتیاں دارب ناس کرے نال صد دے ہتھ اُٹھا میاں
مُقبل جیوندے جی گل لاء مینوں میرے دلے دی اگ بُجھا میاں
235۔
رانجھا خوف کہاراں دا ناکردا ڈولی ہیر دی وچ نشنگ جاندا
ہیر کھول پٹار پکوان دتا رانجھا یاد کررب پکوان کھاندا
کہندا عشق تیرے لیکاں لائیاں نی ٹمک چُک کے کھیڑیاں نال آندا
دتا رب دا سر پر جھلیا میں نہیں آکھیا مُقبلا کجھ جاندا
236۔
ہیر آکھدی تتی نوں تاء نائیں جیؤن جوگیاسوال خدائیدا اے
لائیُ سُکھ نوں جان دی جان گئی میری نتھے دے جیو نوں داغ دا اے
بیڑی پئی نوں اوپروں لت ماریں حیف ایہ بیدرداں دا قاعدہ اے
ہُندے تانہ تاہیں ہو رہی مُقبل ایہ حیاتی دا فائدہ اے
237۔
ہیرے ثابتی ویکھ لے پالیا میں تیرے نال جو قول قرارہے نی
کیتا کجھ نہ جان دابنی اوکھی دِل اِک تے درد ہزارہے نی
توبہ ترک ہے خودی تکبرے توں میرا عاجزی نال پیارہے نی
بھانے خلق جہان دے جیونی ہاں مُقبل مویاں توں پیلے پار ہے نی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels