Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 228-232

ہیر مقبل 228-232

شاہ جہان مقبل
January 26th, 2008

228۔
اِکّی جھوٹیاں ہیر نوں داج دتا نقد جنس دا کجھ شمار نائیں
سیدے کھیڑے دے من ودھائیاں نی ہیر رانجھے نُوں صبر قرار نائیں
سیاں یاراں نوں یار وچھوڑ داہے ہور فلک توں کوئی روزگار نائیں
بنی کٹنی مُقبلا بندیاں تے تقدیر سیتی تکرار نائیں
گریہ کردن ہیر وقت رخصت
229۔
ہیر میڈھیاں پُٹ کے وال کھوہے روندی وچ سیالاں دے دُھم پائی
میاں دینہدیاں حال نہ جاندیاں نے نہیں جان دیاں جیؤدی گل کائی
زوراوری حرامیاں ظالماں نے وچ ڈولی دے بنھ کے ہیر پائی
مُقبل حال توں ہوئے بیحال پیا جدوں کھیڑیاں پالکی سرے چائی
230۔
ماں کٹ رہی سمجھا رہی مہنیاں کھیڑیاں نال نہ جاندیاں نی
مُولے چرن نہ کھاہ نہ پیون پانی مارے دُکھ دے بہت اڑاندیاں نی
ہیر آکھدی مانوں نوں کھس پیکے مہنیاں چاک بغیر نہ جاندیاں نی
اگے مُقبلے دے تسیں رکھ دیہو پئیاں جاندیاں ڈھل نہ لاندیاں نی
231۔
ملکی جائیکے چاک نوں ڈھونڈ اندا کہندی ہیر نوں جا پہچاؤنا ئیں
تیرے باجھ نہ مجھیاں جاندیاں نے نہیں کم آوارہ رہ جاؤنا ئیں
ساری عمر جو نیکیاں کیتیاں نی توئیں اج بھی کرم کماونا ئیں
میرے اوگناںد ا کجھ انت ناہیں مُقبل تساں ہی پار لنگھاؤنا ئیں
232۔
سُن کے ملکی دی بینتی رانجھے نُوں اکھیں پئی شرم دل مہر آئی
ٹمک چُک کے ہیر دے نال ہویا چادر چکرجہی سُوہی میل کھائی
مگر رانجھے دے مجھیاں اُٹھ ٹُریاں وچ لوکاں دے ایہہ کرامات پائی
اکھیں مار دے دکھ دے رون کہندا مُقبل وہنجھلی درد دے نال واہی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels