Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 223-227

ہیر مقبل 223-227

شاہ جہان مقبل
January 26th, 2008

223۔
جس رات سی ہیر دی جنج آئی اوس رات رنجھیٹے نُوں بھکھ کٹی
چاول کھنڈ تے گھیؤ پئی خلق کھاوے رانجھے چاک نے مُول نہ لب چٹی
وچ بیلے دے مجھیاں چاریاں سی کُٹ چوری لیاوندی ہیر جٹی
بھار عشقدا مُقبلا بھلا اوکھا منزل باہجھ جو پندھ وچ راہ سٹی
224۔
ہتھ جوڑ کے بینتی کرے رانجھا ساڈے نال کہی کیتی چال ربا
باراں ورہے میں جوگ کمایا سی ہویا ہور فقیر دا حال ربا
کٹک آپنے سر تے کھیڑیاں دے لیا لُٹ اساڈڑا مال ربا
دریا عشقدا مُقبلا ہے کھڑا اوکھا ٹھہلے نوں پار لنگھا ربا
225۔
اک غیب تھیں آن آواز ہوئی خاطر جمع کر رانجھیا جُھور نائیں
تیری قسمت ہے ہیرایہ لکھی ہوئی ایہ گل ہے سچدی کُوڑ نائیں
پنجاں پیراں نے کیتا ہے کم تیرا گل کھیڑیاں دی منظور نائیں
ہیر مال ہو رہی رنجھیٹڑے دا ایہ رب تُوں مقبلا دور نائیں
226۔
اٹھو پہر رہندی ہیر پاس میرے کوئی پیا وچھوڑا کمال مینوں
کھان پین نہ سُجدا باہجھ اُسدے وسرگیا تمام خیال مینوں
کدی ہووے جے کرم خدائیداجی ہیر ملے بھی شوق دینال مینوں
ویکھ مُقبلا کڈھ کے فال میری کدی ہووے جے ہیر وصال مینوں
227۔
زوراوری بھائیاں چاڑھی ہیر کھارے بنھ دتونے جھب گاناں
ہیر روندی نُوں دتونے تخت جلوہ رکھیں شرم توں قادرامہرباناں
سیدے کھیڑے نُوں بہایونے کیتو ظلم حرامیاں پشماناں
روزی تیری اے چوچکے گھٹ رکھی مُقبل داج دتا سارا کارخاناں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels