Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 213-217

ہیر مقبل 213-217

شاہ جہان مقبل
January 26th, 2008

213۔
ہیر آکھدی قاضیا کہیا کیتو کیہہ دسناں ایس جہان نُوں جیؤ
ایس شرع تھوں آپنوں عذر ناہیں جو کجھ آیا ہے وچ قرآن دے جیؤ
روز حشرہوساں دا منگیر تیری نہیں ڈراں گی مُول رحمان تھوں جیؤ
مُقبل نائیں خدائیدا خوف تینوں کیوں نس دائیں احسان تھوں جیؤ
214۔
قاضی ہیر نوں آکھ سناوندا ہے نہیں آوندا شرم حیاء تینوں
جنج کھیڑیاں دی بوئے آئے بیٹھی نہیں مُول جہان دی و
أ تینوں
ہیرے حق حلال نہ کھاونی ہیں کس حرام اے دسیا کھاء تینوں
ہیرے چھوڈ خیال رنجھیٹڑے دا مُقبل دیوے گا نہیں سزا تینوں
215۔
ہیر آکھدی قاضیا کریں توبہ کیہ ناحق دا دھوناں پاوناں ایں
ہیر رانجھے توں چاء چھڈائیکے جیؤ کھیڑے نال نکاح پڑھاوناں ایں
نہیں ڈردا توں رب دے خوف کولوں دھیاں بیٹیاں سبھ ہراوناں ایں
ہیر کریں توبہ ایہناں کھیڑیاں تھیں مُقبل واسطے کس اکاوناں ایں
216۔
سن ہیر دا صاف جواب قاضی لاچار ہو بہت حیران ہویا
پنجیں کپڑیں قاضی نوں اگ لگی تیغ غصے دی نال بیجان ہویا
گھمن کھیڑے تے دکھاندے فکر اندر کھا گردنی بہت غلطان ہویا
کہیا من لے آکھیا ہیر میرا جانی مُقبلے نال احسان ہویا
217۔
قاضی بخش خدائیدا واسطہ ای کہیا پایائی آن ناحق جھیڑا
رانجھے یاردینال میں رَس رہی سب جان دا انگ تے ساک میرا
چُپ کر زبان نُوں بند کر لے نہیں من دی آکھیا مُول تیرا
مقبل آہین نصیحتاں کم میرے مینوں پایا ہے عشق تے آن گھیرا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels