Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 208-212

ہیر مقبل 208-212

شاہ جہان مقبل
January 26th, 2008

208۔
ہیر بولدی مہنے دُکھ دیندے سُن لے تُوں باپ جواب میرے
توں دیویں نصیحتاں بابلا وے نہیں آوندے سخن پسند میرے
رانجھے نال میں سیج تے ستڑی ہاں عقد بنھ گئے پنج پیر میرے
مقبل رانجھے دینال پیار میرا نہیں مُول پسند قبول کھیڑے
209۔
چُوچک اُٹھ کے آوندا قاضیئے تے ہیر گل نہ من دی مُول کائی
پگ لاہ کے زمین دےنال مارے ہتھ مار کے آکھ دا انج جائی
رد کر دی ہے کھیڑیاں جانجیاں نوں ہیر دوستی چاک دینال لائی
کوئی نیک تدبیر توں دس میاں مُقبل پُچھنے آیا ہے تُدھ بھائی
210۔
قاضی آکھدا چُوچکا سُنیں بھائی باہجھ دغے نہ ہووسی کم تیرا
اونکر منی فقہ دی خُوب واقف نہیں آکھنا کجھ پسند میرا
گلاں نال نہ آویں گا وار اسدے ناحق کریں توں کہیا جھیڑا
مُقبل لگدا اکھیا بُرا اُس نوں بے اختیار ہے عشق نے پایا کھہڑا
211۔
چُوچک آکھدا قاضی نوں ظلم کیتو دتا تیں جواب بھی ٹھوک میاں
میرا کہیا نہ مول قبول کیتو دین طغرئیے اُٹھ کے لوک میاں
دوئے جھوٹیاں آئے کے لیں میتھوں توں تاں ہیر نوں جائیکے روک میاں
ہویا مُقبلا کھیڑا بیزار میتھوں چوبھی کالجے درددی نوک میاں
باز فتن قاضی نزد ہیر برائے نصیحت او
212۔
قاضی لوبھ تھیں بہت خوشحال ہویا جامے وچ نہ مُول سماء نائیں
رب قاضی دا سلب ایمان کیتا زر باہجھ بھی کوئے پر چاء نائیں
زر چاء فولاد نوں نرم کردا زر باہجھ نہ کوئی اشناء نائیں
مُقبل دین دنیا زرلوڑی دی ہے زر باہجھ بیلی بھین بھرا ناہیں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels