202۔ غُصہ کھا وکیل بھی آکھدا ہے دھیاں بیٹیاں دا کر چج ہیرے چُوچک باپ سُلطان ہے سکا بھائی ملکی ماں دی رکھ توں لج ہیرے خیال دل توں دور کر جھوٹھ فانی پردہ سب سیالاں دا کج ہیرے آء واسطہ رب رسول دا نی کہیا مقبلے دا من اج ہیرے 203۔ ہیر دے جواب وکیل تائیں کیتو سُخن قبول تیں نہ میرا میں اپنے سچ تے رہاں قائم محرم دل دا رب الہٰ میرا مانوں باپ دینال کیہ غرض مینوں گیا اٹھ تمام وساہ میرا کتھے مقبلے لکھیا دس مینوں دوجی وار داپڑھن نکاح میرا 204۔ اُٹھ آیا وکیل منہ پھوگ ہو کے ہیر دتا جواب بھی صاف میاں جاء چوچکے نوں اوہ آکھدے نے ہیر بولدی لام تے کاف میاں زہر دب کے آکھدادے دیجو کس دسیا ایہ انصاف میاں مقبل ہیر تے رانجھے دا عیب سبھو کیتا رب رحیم معاف میاں 205۔ اکٹھے ہوئیکے سب سیال آئے بیٹھ مصلحت اک اٹھائیے جیؤ کتھے کھوہ پئے زہر کھائے مرئیے وطن چھوڑ کے بھرم گوائیے جیؤ گل پائے پلا کرئیے جاء منت اگے ہیر دے سیس نوائیے جیؤ جے اساں نے بھُل وگاڑیائی مُقبل ربدا واسطہ پائیے جیؤ نصیحت دادن چُوچک ہیر را 207۔ جاء ہیر نُوں آکھدا مہر چوچک جنج کھیڑیاں دی بیٹھی آئے کی نی کہے باپ دے لگ توں نڈھیئے نی شرم رکھ توں ربدے واسطے نی روشن نال سیالاں دا جگ سارے کیوں ڈوبدی ہے کھوہ پائیکے نی آء من لے آکھیا مُقبلے دا دل وچ توں رب دھہائے کے نی
