دربیان بستن نکاح سیداوہیر 198۔ قاضی ہیر تے سیدے دا عقدبدھا نیت خیر نُوں ہتھ اُٹھائیکے تے حرف شرع دا قاضی نے یاد کیتا قصہ درد داچاء بھلائیکے تے سیدے کھیڑے نُوں لیائے کے وچ مجلس پاس قاضی دے چأ تہائیکے تے مُقبل سیدے نوں پاس بہائے قاضی شکر حق دا چاء تہائیکے تے 199۔ دوشاہد تے اک وکیل کر کے بھیج ہیر دے پاس بہاؤیونے دل جان تھیں ہوئے کے بہت راضی شرطاں دس بیان بتایونے اول پڑھ بسم اللہ تے پنج کلمے پہلے صفت ایمان سُنایونے مُقبل ہوئے وکیل تے شاہد دونویں گئے ہیر تے شرع منایونے استفسارامر نکاح از ہیر 200۔ وکیل جائیکے ہیر دے پاس بیٹھا ہور بیٹھیاں چاچیاں تائیاں نی کئی نڈھیاں نی کئی روپ پھڑیاں ہور ڈومنیاں دیہن دوہائیاں نی کئی نائیناں تے کئی ڈومنیاں نی کٹی چل کے ویکھن آئیاں نی مُقبل ہیر دے پاس وکیل بہہ کے گلاں شرع دیاں آکھ سُنائیاں نی 201۔ ہیر کہے وکیل نوں سُنیں میاں میں تاں سچدی گل سناوندی ہاں پنجاں پیراں نے بنھیا عقد میرا اوسے فعل تے سچ کماوندی ہاں رانجھے نال قدیم دی دوستی ہے مُولے کسے توں وہم نہ کھاوندی ہاں کھیڑا کیتا قربان میں مُقبلے توں مت شکر بجالیاوندی ہاں
