Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 188-192

ہیر مقبل 188-192

شاہ جہان مقبل
January 26th, 2008

188۔
منہ کھول کے ہیر نوں پائے چھلا رنگ رنگدے گانے گاوندے نی
دیوا چھاننی دے وچ بال رکھو سن بھاوندے سگن مناوندے نی
سد ڈومنی نُوں شکر دے ملکی کہندی کھیڑے نوں سد لیا کھاں نی
گاؤن سوہلڑے ڈھول وجانوندیاں نی مقبل عشقدی گل سناوکھاں نی
189۔
مار چھڑکاں گاملیاں دیہن کڑیاں صاحب روپ تے مشک ہنڈاوندیاں نی
گھوڑی ہیٹھ دیوں ہیر نوں کڈھیونے خوشی نال بہہ گاوناں گاوندیاں نی
مٹھ گھول کے ہیر نوں پا ء چھلا مُقبل بھڑکدی نوں بھڑکاوندیاں نی
جوڑا سگن دا کھیڑیاں بھیجدتا سیاں ہیر نوں چاء پہناوندیاں نی
190۔
اج نتھ سوہا گدے ہتھ سوہے کنیں والیاں بھابیاں پائیاں نی
سُوہے پہن کے پلہنگ تے جائے بیٹھی ہور نڈھیاں پاس بہائیاں نی
ہیر جیو دے وچ حیران ہوئی مُقبل ربدیاں ویکھ رضائیاں نی
دم مارنے دی کوئی تھانوں ناہیں تے نہ چوں چرا دیاں جاہیاں نی
191۔
ہوئے اکٹھیاں سہیلیاں سب آئیاں آء بنیاں بہت بنا میاں
دیوا عقلدی آئے کے بالیونے اگے وگدی برہوندی وا میاں
ُکُڑیاں گھوڑا بیڑا لین آئیاں نے متھے نین دیسی من چاء میاں
لے پنج روپیڑے روک ہتھیں مُقبل کھیڑیاں نوں دے دعا میاں
192۔
رات پئی جاں سدیا جانجیاں نوں آن مانجیاں طعام کھلاونے نوں
جانجی آن بیٹھے دیوان خانے لاگی آوندے سگن مناؤ نے نوں
قاب پور کے کھنڈ تے چاولاں دا اگے رکھدے آن کے کھاونے نوں
کھانا کھائیکے محظوظ راضی مُقبل لگے نے سگن مناونے نوں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels