183۔ قاضی ہیر دے حال تے رحم کیتا ہولی چُوچکے نُوں سمجھاوندا ہے ہیر جاندی پیچ در پیچ ڈاہڈے اس دے نال نہ مچیا جاندا ہے جُوٹھا ہوئیکے روبرو قاضیے دے چوچک گل نہ مُول دہراوندا ہے مُقبل قاضی نے صاف جواب دتا چُوچک ہوئے جھوٹھا گھرآوندا ہے 184۔ ہیر آکھدی ست سلام کر کے قاضی تھیں شکر گزار ہوکے مُولے کہہ نہ لگدی ماپیاں دے ہتھ دھون بیٹھی لاچار ہوکے نڈھی کھانونوں پیونوں ترک کیتے بیٹھی ماپیاں توں بیزار ہوکے ہیر میلا نہ لوڑ دی کھیڑیاں نوں پچھوں تاوسن مُقبلا خوار ہو کے 185۔ وچ جھنگ سیال دے غُل ہویا ویکھو ہیر سیال دی جنج آئی جانجیں لین آئے اگوں جنج تائیں دیندے جاء دُہائیاں ڈوم نائی تھیں جانجیاں دے رنگا رنگ جوڑے ترکی تازیاں دے نہین تیر کائی ساہز اوڑے سوہنے ڈھیر ڈٹھے مُقبل آکھدا اوہناں دی وکھن مائی رسیدن جنج ہیر باشان وشوکت 186۔ جنج آوڑی کڑیاں لین آیاں کئی سہیلیاں ہیر دی جنج تائیں جنج ویکھ کے بہت محظوظ ہوئیاں سرجھون کے کہندیاں دھن سائیں سیدے کھیڑے نُوں کُڑیاں گھیر بہن جیون پردا رہے ہودندا چند تائیں آ اُتری ہیر دی جنج ساری تدوں مقبلے جائیکے جھات پائی 187۔ وجن توتیاں تریاں کھڑن میراں جنج ویکھنے نوں چُوچک آوندا ہے نچن سینکڑے طایفے لولیاں دے چند جنہاں نوں ویکھ شرماوندا ہے خوبصورتاں دا جس راگ سُنیاں کیتی مدتاں تاب نہ لیاوندا ہے قدر اکدا مُقبلا مرد جانے نامرد نوں مُول نہ بھاوندا ہے
