Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 178-182

ہیر مقبل 178-182

شاہ جہان مقبل
January 26th, 2008

178۔
ہیر آکھدی تابع شرع دی ہاں میں منیاں حکم فرمان دا جی
راہ عشق دااساں تاں من لیتا قاضی فاسقاں مذہب شیطان دا جی
رانجھے نال میں اکھیاں لائیاں نے میرا سب قبیلڑا جان دا جی
دماں باہجھ غُلام ہاں مُقبلے دی دلوں منیاں قول رحمان دا جی
179۔
قاضی آکھدا ایہہ سوال میرا بھورا سمجھ کے وہ جو حال ہیرے
شاہد کون ہے کس نکاح پڑھیا کیونکر ہویا چاک حلال ہیرے
جان بُجھ حرام کیوں کھاؤنی ہیں تیرا ہووسی بُرا احوال ہیرے
وچ دوزخاں پائیکے ساڑئینگے مُقبل چُھٹنا ہوگ محال ہیرے
180۔
ہیر آکھدی رانجھے دینال پڑھیا پنجاں پیراں نے آن نکاح میرا
توں تاں حق کریں ناحق میاں تیرے نال لیکھا درگاہ میرا
رانجھا منگ لیا درگاہ تھوںجی قاضی رانجھے دا راہ سوراہ میرا
نام نبی دے بخشیے بندیاں نُوں مُقبل حشر دے روز الہٰ میرا
181۔
قاضی آکھدا آء جیؤں جاننی ہیں ہیرے من کہیا استاد دا نی
کفر چھوڑ دے ضد نوں چھو ڈنڈھی بھلا ہو سیا جد اولاد دا نی
دُنیا چھوڑنی خواب خیال وانگوں مرجاوناں راہ ہے عاد دا نی
مُقبل علاقلاں دا من لے کہیا روز حشر دے وقت ہے داد دا نی
182۔
ہیر آکھیا قاضیا گھول گھتی تیرا حکم مناں سر وار تھیواں
میرے چم دَیاں لاہ کے پہن جتیاں جے میں عذر کراں گنہگار تھیواں
اے پر ایہ ہنیر نہ ہؤ میتھوں رانجھا چھوڈ کے کھیڑے دی نار تھیواں
مُقبل یار دے نال قرار میرا غیر محرماں تھیں بیزار تھیواں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels