Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 168-172

ہیر مقبل 168-172

شاہ جہان مقبل
January 26th, 2008

168۔
دھیاں مارنیاں وڈا گناہ ہے نی چوچک رن نوں آکھ سناوندا ہے
خوُنی دوزخاں وچ بھی سڑنی گے پچھوں تاونداوقت نہ آوندا ہے
جھوٹی شرع دے ڈھوئیکے ہیر کرو چوچک رن دا جیؤ دھراوندا ہے
گھروں چلیا مُقبلا نموں جھاناں کول قاضی دے چل کے آوندا ہے
169۔
قاضی آکھدا مہر جی خیر سلا وڈھے وقت کتھوں اُٹھ آؤنا ئیں
کسے نال کجھ جھگڑے دا معاملہ ہے صورت حال تے مہر کراؤنائیں
کسے شرع دی بات نوں پگڑیاہیں اوس گل دا مغز پچھاؤناہیں
مُقبل کیہڑا ہے آرزو مند تیرا آکھ مہر جی کیہ فرماؤنا ہیں
170
چوچک آکھدا روئیکے قاضئیے نُوں میاں ہیر نوں بھلا پڑھایا ہئی
مُنہ آوندا بولدی ماپیاں نوں اُس نوں شرم حیاء نہ آیا ہئی
نال چاک دے اکھیاں لائیاں نے ماں باپ دا شرم گوایا ہئی
سمجھاؤ توں سد کے ہیر تائیں مُقبل ایہہ کیہہ سانگ بنایاہئی
171۔
قاضی قلم دعوات منگا لیندا لکھے ہیر نوں تُرت پیغام میاں
خدمت گار نوں سد کے کہے قاضی جا کے ہیر نوں دہ پیغام میاں
حُکم شرع دے پگڑ لیاؤ نڈھی اک گھڑی نہ دیہو آرام میاں
جاء لکھیا مقبلاقاضئیے دا دتا ہیر دے ہتھ غلام میاں
172۔
ہیر ادب دینال پیغام تائیں چُم چٹ کے سرپر چاء دہردی
جاء محکمے شرع دے رجُوع ہوئی نڈھی مارنوں کسے توں نہ ڈر دی
ہتھ بنھ کے روبرو قاضئیے دے کھلی ہو کے ست سلام کر دی
رنگ ہیر دا مُقبلا سُرخ ہویا مُنہ چُوچکے دے وَرت گئی زرای
سوال وجواب قاضی و ہیر


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels