Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 163-167

ہیر مقبل 163-167

شاہ جہان مقبل
January 26th, 2008

163۔
ہیر آکھدی قول توں پھراں جے میں بُرے حال ہو مراں نمرود میاں
مینوں ہوئیاں سب آدس گلاں دل وچ رہنا خوشنود میاں
کُل جی جامہ تیرے پاس کیتا تیرا درس میرا مقصود میاں
تیتھوں جیوندی مُکھ نہ موڑ دی ہاں مُقبل موئی نوں بھیج دور میاں
164۔
رانجھا ہیر سیال توں وداع ہویا زاری روندی اُٹھ کے گیا بیلے
لگا ٹکراں مار نے جائے اوتھے جتھے ہیر سیال دے نال کھیلے
دلوں آکھدا یار ہن جدا ہویا جے چاہے آپ خدا میلے
مُقبل طعام نہ رجدا عاشقاں دا نینیں نیند نہ آوندی کسے حیلے میاں
165۔
رانجھا حال تھوں ہوء بیحال گیا رہیا صبر قرار بیزار تھوں جی
سُدھ بُدھ جہان دی بھل گئی منہ موڑیا یار عیار تھوں جی
پیر نام رسول دے بخش مینوں منگے رب رحیم غفارتھوں جی
انا الحق کہندا منصور وانگوں مُقبل ذرا ناں سنگدا دار تھوں جی
166۔
غم رانجھے دے کملی ہیر ہوئی کیتا رانجھے نوں ہیر دے عشق جھلا
ہور دُکھ تھیں سُول ہزار چنگا پر ایس وچھوڑے تھوں مرن بھلا
گھر جائیکے مانوں نوں ہیر کہندی میرے دُوتیاں دے سر پیا کھلا
مائے ہیر وچھوڑیاں رانجھنے تھیں مُقبل رب تھیں پاوینا خیر سلا

167۔
ملکی ویکھ کے ہیر دا شوخ دیدہ چُوچک سیال نوں جاء سمجھاوندی ہے
جو کجھ ہیر تھیں سخت جواب سُنیاں انویں آن کے تُرت سُناوندی ہے
دھیاںہور ناں دیاں ساڈی واہ جمی مولے کسے توں وہم نہ کھاوندی ہے
تھاں مارئیے مُقبلا ہیر تائیں نہیں اساں توں لنگ لہاوندی ہے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels