Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 158-162

ہیر مقبل 158-162

شاہ جہان مقبل
January 26th, 2008

158۔
بٹھلائیکے رانجھے نوں پلہنگ تے او مٹھی ہیر سیال تے جاوندی ہے
رانجھے یار ضرور بلائیں تیں کن ہیر دے پتہ سُناوندی ہے
ہیر مِٹھی توں رانجھے دانام سن کے جامے وچ نہ مُول سماوندی ہے
مِٹھی نال بے خبر ای ماپیاں دے پیاری مقبلے تے بھجی آوندی ہے
159۔
ہیر ویکھ کے رانجھے نُوں خوشی ہوئی رانجھے ہیر نوں رو الزام دتا
بے خبر ہی اُٹھ کے چلیں ہی نی سانوں پالیاں ہتھ پیغام دتا
باراں ورہے کیتی تیری نوکری نی تُدھ اوڑک نُوں ایہہ انعام دتا
مقبل نام معشوق دا رکھ لیتا ہور سب اللہ دے نام دتا
160
ہیر آکھدی رانجھے نوں جان میری کہے ترکھڑے وَین الاؤنا ئیں
جَل بَل کے کوئلے ہو گئی آں باربار کیہ تتی نوں تاؤنا ئیں
ہائے ہائے مٹھی نہیں جاوندی ساں تینوں لائیکے بھرم گوانائیں
مُقبل کسے بیدرد پڑھایائیں زخم لا کے مرہم نہ لاونائیں
161۔
رانجھے ہیر اکٹھیاں روز سارا گل مِل کے دُکھڑا رویونے
سینے اوپروں داغ فراق والا نال ہنجُواں ململ دھویونے
سُکھ سُتیاں ایہ چنگے بیلیاں نوں رب آن قضیٹرا پایونے
مُقبل ہار دا کجھ گناہ ناہیں لکھے آپے مار گوایونے
162۔
رانجھا آکھدا اے اسی جاونے ہاں سانوں ہس کے دہ رضا ہیرے
پر جیوندے رہے تے ملے تینوں مر گئے تے پنہ خدا ہیرے
آخر رن دی ذات بیوفا ہندی اساں ڈٹھا اے خوب آزما ہیرے
سُخن راستی آکھیا میں تینوں نہیں رناں توں مہر وفا ہیرے
باز آمدن رانجھا از ہیر وقرار کردن اوبہ رانجھا برائے ملاقات


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels