Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 153-157

ہیر مقبل 153-157

شاہ جہان مقبل
January 26th, 2008

153۔
زور اوری بہالدے ہیر کھارے مل وٹناں تیل چڑھایونے
ہیر روندی دا وس نہ چلدا ہے آن جانجیاں سگن منایونے
دل جانجیاں شادیاں مانجیاں دے خوشی ہوئیکے ڈھول دھرایونے
لارے لائیکے مُقبلا رانجھنے نوں آخر پُج کے دغا کمایونے
154۔
ہیر وٹنا دھوئیکے پہن چوڑا پاڑ کپڑے انگ بھبُوت لائی
سیاں ہار سنگار کریندیاں نی بھاہ ہیر سیال دے غم لائی
نڈھی کھانونوں پیونوں ترک کیتی کر تھکیاں منتاں ہیر تائی
مُقبل کہے نہ لگدی ماپیاں دے ہیر دوستی چاک دے نال لائی
ۤآگاہ شُدن رانجھا از شادی ہیر ورفتن اوبخانہ حجاماں برائے ملاقات ہیر
155۔
جاء آکھیا پالیاں رانجھنے نوں اج آونی ہیر دی جنج میاں
پچھوں آکھیں گا مُول نہ دسیو نے اُٹھ جاوسی ساوہرے انج میاں
تیرا قول تے قول برباد ہویا اُٹھ تخت ہزارے نُوں ونج میاں
ملین جیؤ دا جیؤ آہیر تائیں مُقبل نیک صلاح ہی اج میاں
156۔
رانجھا پالیاں نوں ایہ گل سُن کے گھر چل کے نائیاں دے وجاوندا ہے
مٹھی نائین نوں جائیکے ملیا رانجھا رورو اپنا حال سُناوندا ہے
دے کے پنج روپئے تے اک لُنگی من مِٹھی دا چاء مناوندا ہے
ہیر میل مینوں جیونکر جاننی ایں مُقبل سوال خدائیدا پاوندا ہے
157۔
خاطر جمع کر رانجھے نُوں کہے مٹھی تینوں ہیر نوں آن ملاؤساں میں
کوئی فن فریب بنائیکے جیؤ تتی ہیر نوں پگڑلیاوساں میں
بٹھلائیکے روبرو ہاں تائیں کھاناں اکے تھال کھواؤساں میں
مقبل نال پیاری تینوں گنج گوشے رات اکسے چھیج سواؤساں میں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels