148۔ وداع ہوئیکے رانجھے توں ہیر آئی ماں ٹرن لگی ویہڑے آوندی انُوں بھیا پٹنی ایں بُراراہ پھڑیو نہیں لج تیں چاک تے جاوندی انُوں کھیڑا رد کے چاک قبولنی ایں عمر گذری آیا رہنڈاوندی انُوں مُقبل چاک نمانے دا چھوڈ کھہڑا نہیں ورجدہی تدی کھاوندی نُوں 149۔ زاری روئیکے آکھدی ہیر نڈھی ساڈے پئی ہیں کہی خیال مائے جس چاک دے مہنے دیوندی ہیں میرا مرن ہے چاک دینال مائے نہیں جاندا ہی میٹیا کسے کولوں جو کجھ لکھیا ہے جل جلال مائے قاضی شرع دے ڈھوئیکے مُقبلے نُوں میرے سنیں جواب سوال مائے 150۔ مانوں آکھدی بھیا پٹیے نی کر چاک نتھاویں دا مان تھوڑا کتھوں پہن سیں ہار حمیل ہیرے کتھوں پہن سیں والیاں نتھ چُوڑا تیرے باپ دیاں مجھیاں چار دا ہی سرچک کے لیاوندا انت کوڑا پیریں چھتر گل نہ ہسیں جامہ سر مُقبلا والاں دا نہیں جوڑا 151۔ ہیر آکھدی سی منگ ہاں چاکدی میں دل غیر تے مُول نہ لیاونی ہاں بستر رانجھے دا چیزاں نعمتاں نے بھاہ کھاے دے پلہنگ نُوں لاونی ہاں والگا پہناں چوڑے بہاں مائے بدلے نتھ دے لونگ ہنڈاونی ہاں دھن بھاگ میرے جیندا کونت رانجھا مُقبل یار دا نام تہاوتی ہاں
تیاری ساختن مادرو پدر ہیر برائے شادی او 152۔ ملکی ہیر دا سخت جواب سن کے پھر گل نہ مُول دھراوندی ہے لاگی بھیج کے رنگپور کھیڑیاں دے تُرت جنج بلا منگاوندی ہے اٹھوارنُوں ڈھکناں کھیڑیاں نے کائی گل نہ آکھیئے جاوندی ہے مُقبل یار نوں خبر نہ مُول ہندی ماں ہیر نوں بنھ کے بھاوندی ہے
