Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 128-132

ہیر مقبل 128-132

شاہ جہان مقبل
January 26th, 2008

128۔
ملکی ہیر دا سخت جواب سن کے چوچک سیال نوں جا سمجھاوندی ہے
میاں ہیر نے موڑ کے لابدھی چٹی پگ نُوں داغ لگاوندی ہے
مارکُٹ رہی سمجھا رہی نڈھی چالیوںباز نہ آوندی ہے
دیندی گالیاں سوہریاں پیکیاں نوں مُقبل یار دا نام دھیاوندی ہے
129۔
ہیر آکھدی مونہہ نہیں ماپیاں نوں جیہڑے دین تھیں نہ خبردار ہوون
دھیاں سنگیاں نوں دوجی تھاں دیون موجب شرع دے اوہ گنہگار ہوون
روا نہیں جے دوس گناہ باہجوں پالی مُقبلا ویکھ بیزار ہوون
دھیاں بیٹیاں نوں سُنیان کرن جدوں ویکھنی او بد کارہوون
130۔
چوچک آکھدا روئیکے ہیر تائیں تینوں پوے گی رب دی مار ہیرے
نیک بخت جہی دس آوندی سیں ہوئیوں بُریاں دی ہُن سردار ہیرے
مانوں پیو دے آکھے نہ لگدی ہیں آپ انہرے کریں پر نار ہیرے
ماپے جنہاں نے مُقبلا رنج کیتے ہوگ تہناں توں رب بیزار ہیرے
131۔
ہیر آکھدی بابلا بڈھا ہوئیوں بولیں دھیاں نُوں کہی زبان میاں
پاکدامناںنے بیان حق کیتے چھوڑ جاوناں جنہاں جہان میاں
میرا رانجھے دینال نکاح پڑھیا پنجاں پیراں نے وچ بیانان میاں
غیر شرع دے ماں پیؤ من ناہیں مُقبل وچ کتاب قرآن میاں
132۔
چوچک سیال دی ہیرنے نِشا کیتی ڈرڈر کے وقت لنگھاوندا ئی
جَل بَل کے کوئلا ہو گیا مارے غصے دے طعام نہ کھاوندائی
مساں مساں تڑپدیاں رات گُزاری رنگا رنگ دا فکر دوڑاوندائی
مُقبل چاک نوں چاء جواب دئیے چوچک ایہہ صلاح بناوندائی
ملامت کردن چوچک اوراوجواب دادن


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels