Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 123-127

ہیر مقبل 123-127

شاہ جہان مقبل
January 28th, 2008

123۔
مانوں آکھدی چاکدی رن ہوئے کے کیہ وٹناں کھٹناں کھاونا ئیں
بکری جرکدا پھرے بگانیاں دی تینوں اوس کیہہ کھٹ کھلاونائیں
چہہ چڑھی مہاستی ہو دتی ہیں تینوں چاک تھیں ہتھ کیہہ آونا ئیں
نہیں من دی آکھیا مُقبلے دا پیاری عاقبت نوں پچھوں تاونائیں
124۔
ہیر آکھدی انبڑئیے میرئیے نی میری سُنی نفیرئیے دُکھ والے
کھیڑا کرے نینوں نت وَکھ میرا بیٹھی درد رنجھیٹے دے دُکھ والے
دھن بھاگ میرے جیندا کونت کٹے دکھ آئے دن دے سُکھ والے
مُقبل یار دا شوق ہے بس مینوں منگن دولتاں نعمتاں بھکھ والے
125۔
تیرے نال نہ بولیا جاوندا ہے توں تاں بہتیاں رکتاں چاونی ہیں
جیؤ آوندا مانوں نوں بولنی ایں حق ادب نہ مُول پچھاونی ہیں
جھُکا نگہرے پیؤ دا چوڑ کیتو سر مانوں دے کھیڑا جھاؤنی ہیں
مُقبل وانگ نہیں کوئی خوف گھر دا چنگا کھاؤنی ہیں موجاں ماننی ہیں
126۔
مانوں ہیر نُوں آکھدی تتئے نی نہیں آوندا شرم حیا تینوں
نال چاکدے اکھیاں نی نہیں مُول جہان دی وا تینوں
اساں پکیاںتے تُساں کھاہدیاں نہ نہیں کتن تے تبنن دا چاء تینوں
لذت نال ہنڈاونی ایں مُقبلے نوں مت رہ ہیرے پچھوں تا تینوں
127۔
ہیر آکھدی انبڑئیے میرے نی دُھروں لکھیا بھلا نصیب میرا
میں تاں ڈر دی ہاں یار تھیں گل کولوں رانجھا یار ہے خاص حبیب میرا
میرے درد دا اکھوج علاج نائیں فضل رب دا ہوگ طبیب میرا
تریہئیے کال نہ جاوساں کھیڑیا نتے مقبل ترسدا مرگ رقیب میرا
بیان کردن ملکی احوال ہیر نزدچُوچک وملامت کردن اورا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels