Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 108-112

ہیر مقبل 108-112

شاہ جہان مقبل
January 28th, 2008

108۔
قاضی آکھدا رنگ پور کھیڑیاں دا مینوں نگری بہت پسند آئی
شاناں بڑیاں تھیں طالع مند کھیڑے دھن مال دی نا کُجھ کمی کائی
اجو کھیڑے دا لاڈلا نام سیدا جس اوس نوں جایا دھن مائی
مُقبل آکھدا چُوچکا لگ آکھے اوتھے بھیج باہمن لاگی ڈوم نائی
109۔
پُچھ پُچھ کے جھنگ تھیں گئے لاگی شگن گھن کے پاند ہاتے ڈوم نائی
پُہنچے جائیکے رنگپور کھیڑیاں دے کیتی ہیر تے سیدے دی کوڑ مائی
بہمن سدیو نے ساعت پُچھنے نُوں مجلس بیٹھے نے آئیکے سب بھائی
دھونسا عشقدا نویں سر وجیائے مُقبل لکھے ہے رب سو ہوگ بھائی
110۔
شگن کرن دے واسطے سَد لڑکا وچ مجلس دے آن بہائیونے
جھولی لڑکے دی شگن دی پاء شکر روک سواروپیڑا پایونے
ہور رسم رسوم دا کم سارا ہتھیں اپنی سب کرایونے
مُقبل ڈومنیاں سدیاں گاونے نوں راگ رنگ دے ڈھول وجایونے
111۔
شگن کرن توں جدوں ہوئے فارغ فکر کیتونے روٹی کھلاونے دا
ہتھ دھوائیکے لاگیاں ساریاں تے اگے رکھیا خوانچہ کھاونے دا
لگے کھاونے کھنڈ تے چاولاں نوں سخن کر دے نے بہت صلاحونے دا
کھانا کھائیکے ہوئے محظوظ راضی مُقبل پڑھن الحمد سُناونے دا
112۔
جدوں بیٹھے پھر مجلس دے وچ سارے خوشی عیش دینال آرام کیتا
ست لُنگیاں ریشمی کھیس بھارے ہور نقد دا ڈھیر تمام کیتا
اگے دھریونے آن کے لاگیاں دے مُقبل بولنا ایہ کلام کیتا
مجلس لائیکے بیٹھے نے سب کھیڑے لاگی ٹورنے دا سامان کیتا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels