Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 97-102

ہیر مقبل 97-102

شاہ جہان مقبل
January 28th, 2008

سوال چُوچک
97۔
چوچک آکھدا حیؤ نوں رہویں ہیرے تینوں ڈوب کے ندی روڑھاؤ ساں
چوری لُک کے چاک تھے جاونی ہیں تینوں سچ دی پیا سناؤساں میں
کھہڑا چاکدا چھوڑ وی مَن کہیا نہیں دوہاں دی الکھ چکاؤ ساں میں
تیرے باب تعذیر جو آوندی ہے مسئلہ مُقبلے تھیں پُچھ آؤساں میں
98۔
ڈر دی باپ تھوں ہیر نے چُپ کیتی زاری رؤندی اُٹھ کے گئی ڈیرے
جیو وچ کلیلیاں پاوندی سی کیدو لنگے دے ہو پئی ہیر گھیرے
پلاپائیکے رانجھے دے پاس جاندی کہندی پاپ لایا ایس خیر تیرے
نال بُرے دے مقبلا بھلا کرناں کیوں کر آیا ہے وچ شعور تیرے
متفکر شدن رانجھا از کردہ خودو تسلی دادن ہیر
99۔
رانجھا آکھدا بھلا ہاں آپ ہیرےے تیشہ اپنے پیر میں لایا اے
چنگا تکیا سی مندا ہوئے گیا میرا ہونی نے عقل گوایا اے
پھُل بیجیا سی کنڈا اُگ پیا ویکھو سماں اپرادھ دا آیا اے
مُقبل یار دا کجھ گناہ ناہیں اگے اپنا بھیڑیا آیا اے
جواب ہیر
100۔
ہیر آکھدی فکر نہ کریں رانجھا تیری جھُور دی بُری بلائے میاں
نہیں سنگدی ماپیاں بھائیاں توں قاضی شرع دے جھگڑ ساں جائے میاں
آپ کٹساں بنی پر مُول تینوں تتی لگن نہ دیوساں وائے میاں
آئی مُقبلے دی جاء مراں اگے شاہد حال دا آپ خدائے میاں
اتش زن ہیر کلبہء کیدورا
101۔
ہیر رانجھے دے جیؤ دھرائیکے جیؤوداع ہوئیکے اُٹھ کے گئی ڈیرے
کیدو ڈٹھیاں ہیر نوںتیرویہندے چلے دس تاں کٹ کے کھاے بیرے
کیدو لنگے دی جھُگی نوں اگ پھوکی ہیر ستیاں باہروں پائے پھیرے
جھگی بجھ کے مقبلا سواہ ہوئی کیدو لنگے نوں رکھیا رب میرے
102۔
جس رات سی ہیر نے اگ پھُوکی اوس رات کیدو جھُگی وچ ناہا
مارے رب دے باہجھ نہ مرے کوئی سُولی چاڑھ ویکھو بھانویں دے پھاہا
ہونی ہوگ انہونی نہ ہووندی اے بھانویں واچ پوتھی پھولو سد ساہا
کیدو آن کے جھگی دا حال ڈٹھا سڑیا مُول تے مُقبلا سب لاہا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels