Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 77-81

ہیر مقبل 77-81

شاہ جہان مقبل
January 29th, 2008

77۔
رانجھے ہیر دا کُٹیا وچ بیلے کئی مدتاں مجھیاں چاریاں نی
پنڈ آون نُوں رانجھنے ترک کیتا راتاں جھلاں دے گُزاریاں نی
چُوری کُٹ کے ہیر دووقت لیاوے رانجھے کھائیکے اکھیاں ماریاں نی
پیارے مقبلے دی اولیائی جے میں ماں جوڑ گلاں چُک ساریاں نی
78۔
ہیر رانجھے دی دوستی نشر ہوئی تریاں جھنگ سیالاں دے وچ گلاں
عشق مُشک چھپایاں نہ چھُپدا چھُٹی اگ نہ چھپدی وچ چہلاں
ربا ناس ہووے اہناں دُوتیاں دا ملے یار وچھوڑے دینال سلان
کہے اکے ہاں مُقبلا دُوتیاں توں وطن چھڈ کے میں پردیس چلاں
آگاہ شُدن مادر ہیر از تعشق فریقین وپنددادن ہیررا
79۔
دُوتیاں آکھیا ہیر دی مائی تائیں تیری ہوئی ہے دھی خراب موئیے
نال چاک دے اکھیاں لائیاں سُو اٹھو پہر رہندی غرقاب موئیے
بیلے جاوندی یار ہنڈاوندی ہے کچھے مار قرآن کتاب موئیے
جاندی ہیر ہئی مقبلا چاک پچھے کجھ کرو علاج شتاب موئیے
80۔
ہیر مانوں نُوں روک جواب دیندی مائے عشق بچائے ایمان داہے
ہائے ہائے بیدردی نُوں درد ناہیں مائے جس لگے سوئی جان دا ہے
مینوں چاک دا ویکھناں کیمیا ہے ہور سُنجڑے ذکر جہان دا ہے
سچ آکھ توں مُقبلا عشق باہجوں کُل خلق مثال حیوان داہے
81۔
ہیرے عشق لگاوناں کھرااوکھا وارے عشقدے مُول نہ جاوسیں نی
اوچرک رانجھے دے نال پیار تیرا اجچرک چھپ کے وقت لنگھاؤ سیں نی
سَنیں چاک جے کسے دی نظر آنویں ہیرے مار دیاں مرجاؤ سیں نی
آ مَن نصیحت مُقبلے دی نہیں عاقبت نُوں پچھوتاوسیں نی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels