دیدن ہیر رانجھارا پلہنگ ود وچار شدن 53۔ ہیر لڈن دے کھہڑیوں باز آئی پھرے گردے پلنگ دے جاؤ میاں حسن رانجھے دا ویکھ مشتاق رہی گل نہ سوہندی کائی آء میاں پیر جھَس کے آن جگاؤندی ہے رانجھا اُٹھیا رب دیہا میاں صورت ویکھ کے مُقبلا رانجھے دی ہی ہیر سیال وکاء میاں 54۔ چاٹ برہوں دی ہیرنوں زور لگی سُدھ بُدھ جہان دی بھُل گئی جو کجھ ہیر دے پاس بساط آہی دھاڑ برہوں دی دھا ئیکے لبھ لئی اچن چتیرے چپ چپاتڑے نُوں چولی ہیر سیال دی چھنگ پئی مُقبل جگ جہان تھیں باہری ہے ایس عشق دے روب دی پریت لائی 55۔ ہیر آکھدی بخش گناہ میرا چھیج ستڑا آئے جگایا میں ؟ گھول گھول گھتی اوس راہ اتوں جس راہ توں چل کے آیا ہیں باپ دادیوں ذات دا کون ہیں توں پیاری کس سوتڑی جایا ہیں اونسی پاؤندی کانگ اُڈاوندی نُوں مُقبل رب نے آن ملایا ہیں 56۔ کہندا نام دھیدو میری ذات رانجھا شہر تخت ہزاریوں آیا میں ماپیاں مردیاں تھیں پئے وخت مینوں وطن چھوڑ کے بھرم گوایا میں سوال کردیاں آوندی شرم مینوں کدی کم نُوں ہتھ نہ لایا میں مُقبل پلنگ تے آن آرام کیتا جدوں نیند نے بہت اکایا میں
