23 رانجھا جھنگ سیالاں نوں وداع ہویا بھائی تخت ہزارے نوں آونے نی ویر وچھڑے بہت غمناک ہوئے پئے جھورے طعام نہ کھاوندے نی میلے رب سانوں کدی فیر دانجھا پئے رب نوں نت دیہاندے نی مقبل یار وچھیناں جگ ہوئے عاشق کونج وانگوں کرلاوندے نی 24 کدی عمر بھر سفر نہ چلیا سی رانجھے راہ دے وچ تصدیق پائی پیریں پڑن ببول تے پئے چھالے منہ پئی تیلی بھکھ چاٹ لائی تتی ریت دے وچ پیا کھائے گودی وکھ لگدے آندی یاد مائی بنی کٹنی مقبلا بندیاں نے ڈاہڈے نال پراپری نہ کائی 25 پچھوں تاوندا وقت دہاندے نوں پچھا پاد کر کسے رانجھا بہت رویا اگے جان بھارا پچھے پڑن اوکھا پریشانگی نال حیران ہویا گھریںلیٹ دا لیف نہالیاں تے اج بھکھیاں تے بی بویا سوئی سوئی کٹسن مقبلا جا اگے جنہاں ایس جہاں تے بی بویا 26 تارے گن دیاں رانجھے نوں رات گزری ہوئی فجر تے اٹھ نماز پڑھ دا راہ جھنگ سیالا دا پچھ کے جئیو گھرا شوق دا پیڑ کے ترت چڑھ دا چاٹ برہیوں دی رانجھے نوں زور لگی جیویں ددھ مدھانیاں وچ کھردا
جنہاں عاشقاں محل نہ ماڑیاں نی تنہاں آکھ کیہہ مقبلا خوف گھر دا
رسیدن رانجھا نزدملاں وتناول کردن طعام ازاں 27 پنڈ پہنچیا جائے کے چھاہ ویلے رانجھے راہ دے وچ سیت ڈٹھی پڑھن پاس اوستاد دے کئی لڑکے شہزادیاں سوہنی چھب مٹھی کوئی پڑھے قصہ کوئی نظم داچے کوئی پڑھے قرآن تکھے چھٹی مہربان ہویا رب مقبلے تے عشق حقانی دی بات سیٹھی
