اظہار کردن رانجھا احوال خوونزد بھابھیاں وتسلی داون 13 درد مند رانجھا بھرجائیاں نُوں رورو اپنا حال سُناوندا اے منگ کھاوناں اساں قبول کیتا ساتھوں کم نہ ساہنبیا جاوندا اے میری پنہ خدا ہے بھابیو نی میرا جئیو نہ مُول دھراوندا اے. مُقبل حال متاع نُوں بھاہ لگے سانوں فقر فاقہ خوش آوندا اے 14 بھرجائیاں رانجھے دی گل سُن کے پریشان حیران غمناک ہوئیاں لکھ لکھ نصیحتاں رانجھے نُوں دیہ بھابیاں غرض تھیں پاک ہوئیاں دین مہنے کُل شریک سانوں اسیں طعنیاں نال ہلاک ہوئیاں مُقبل کم دا ماریا جاہ ناہیں اسیں چاکری تیری توں پاک ہوئیاں 15 رانجھا رو کے آکھدا بھابھیاں نوں ہل واہناں بہت جنجال ہے نی ساری عمر میں سُکھ دینال کٹی میتھوں محنتاں ہون محال ہے نی میرا آکھدا جئیو فقیر ہوواں دُنیاں جیوناںخواب خیال ہے نی مُقبل لاہ جنجال فقیر ہوئیے دولت عشقدی بہت نہال ہے نی 16 کہیا بھابیاں رانجھیا چھوڈ ناہیں تیری تھانوں اسیں ہل جونیاں ہاں تیرے مُکھ بولیندیاں پھُل کِر دے اسیں گُند کے ہار پرونیاں ہاں کُل جئیو جامہ تیرے پیش کیتا حکم کریں سومن کھلونیاں ہاں تیرے نام توں مقبلا لکھ واری گھول گھتیاں چوکھنے جانیاں ہاں 17 رانجھاآکھدا بھابیو خوش رہو میرے نال جے تُساںاحسان کیتا دَماں باہجھ غُلام ہاں بھابیاں دا تساں اُوپروں جئیو قربان کیتا میرا رہن نہ ہندا جے کتے حیلے مینوں قسمتے مار حیران کیتا سوئی پیش آیا اج مقبلے دے کسے وقت جو کوئی گمان کیتا
