Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 8-12

ہیر مقبل 8-12

شاہ جہان مقبل
February 14th, 2008


8
تقدیر سیتی موجو فوت ہویا باقی رہے رنجھیٹے دے سَت بھائی
مالک اپنے باپ دا ونڈنے نُوں پینچ سد کے بھائیاں نے کچھ پائی
جتھے دبھ تے سرکڑا ملیا سی سوئی زمین رنجھیٹے دی ونڈ آئی
کیہہ پرواہ پر مُقبلا عاشقاں نوں جنہاں رب دے نال پریت لائی
9
درد مند غریب یتیم رانجھا مویاں ماپیاں دتی سُوہار دماں
کدی کم نوں ہتھ نہ لایا سی اک بارگی کہٹریاآن کماں
پریشانگی نال حیران ہویا رورو آکھ دا اے میں نج جماں
جدوں آدمی نوں دُکھ لگ دے نے تدوں آوندی مقبلا یاد اماں
10
اِک روز رانجھے ہتھ لئی کہی بوُٹی مارنے نوں جوہے چلیا اے
بُوٹی مار دے وی ہتھیں پے چھالے بند بند رنجھیٹے داہلیا اے
بُرے حال ہو کے وچ پیا جھلاں نین روندیاں نیر نہ ٹھلیا اے
سُکھیاریاں نُوں رب دُکھ پائے جئیو مُقبلے دا تھرتھلیا اے
11
بھرجائیاں لیائیاں چھاہ ویلے بھتا رانجھنے گھرب گہیلڑے نُوں
بیلے وچ ڈوڈ ہندیاں پھردیاں نی مہر متیاں انگ سہیلڑے نوں
رانجھا کدھرے لجا نظر نہ آیونے ڈوڈ ہندیاں رہیاں البیلڑے نُوں
جدوں مُقبلے نُوں گھروں گھلیا نے پچھوں تادندیاں نی اوس ویلڑے نُوں
12
رانجھا مُڑ دیاں نظر جو آیونے اک جھاڑی دے مُڈھ بے حال پیا
پیر نپ کے آن جگایونے رانجھے اُٹھ کے رب دا نام لیا
رانجھا حال تھیں بہت بے حال ہویا بھرجائیاں دے من پئی ویا
ہائے بھائی مُٹھی کر پچھئیونے تیرے باب کیہہ مُقبلا ورت گیا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels