Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 173-177

ہیر مقبل 173-177

شاہ جہان مقبل
January 26th, 2008

سوال وجواب قاضی و ہیر
173
قاضی پکڑیا ہیر نوں رکتاں توں ایمان دی صفت سُناکھاں نی
وَر دین پال کریں آپ ڈٹھا کس دتی ایہ مت سُناکھاں نی
کھیڑے روکے چاک قبولنی ہیں کتھے عقل گیا فرماکھاں نی
ہیرے مُقبلے نال شرماؤنی ہیں گھُنڈ کھول کے مُکھ وکھا کھا نی
174
ہیر آکھدی روئیکے قاضئیے نوں میاں کہیاں رکتاں چائیاں نی
لے کے رشوتاں کریں خوشامتاں جیؤ گل اپنے پھاہیاں پایاں نی
رانجھا روز میثاق دا یار میرا اج نہ میں اکھیاں لائیاں نی
مُقبل یار دے نام توں لکھ واراں گھول گھتیاں وار گھمائیاں نی
175
قاضی آکھدا چھوڑ چترائیاں نی استاد دا آکھیا سن ہیرے
مسلمان ہو صُلح کر نال کھیڑے دلوںکفردا جندرا بھن ہیرے
کیہہ وٹناں کھٹناں کھاؤناں ایں آکھوائیکے چاک دی رَن ہیرے
محتاج ہے رات دن قوت دانی پلے مقبلے دے نہیں دھن ہیرے

176۔
ہیر آکھدی قاضیا حُکم تیرا تیرے سرے دے زور تے منساں میں
پر رانجھے دینال جو قول میرا دین نبی دے تاک نہ بھنساں میں
نہیں سنگدی سکیاں بھائیاں توں دتاربدا سر پر منساں میں
مُقبل ورجدی تھاؤں توں کوئی جائے کہی اج نہ رسیوں نساں میں
177۔
قاضی آکھیا شرع پر چل ہیرے شیطان دے راہ نہ جائیے نی
مانوں باپ دا آکھیا من لیئے ہیرے گل نہ مُول دہرائیے نی
ہیرے حق حلال پچھان لیئے جان بُجھ حرام نہ کھائیے نی
پیارے مقبلے جہیاں عاشقاں نوں چائے بھیکھ دیدار دی پائیے نی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels