اینویں گزری گالیں کردیاں' کجھ کیتو ناہیں سردیاں تُوں سُتوں چادر تان کے' تیں عمل نہ کیتا جان کے رَت روسیں لیکھا بھردیاں جائے پُچھو اِک وانڈھیاں،جیہناں اندر بلدی ڈھانڈیاں اوہناں عرض نہ کیتی ڈردیاں کہے حسین سنائے کے' پچھوتاسیں اوتھے جائے کے کوئی سنگ نہ ساتھی مردیاں
اوکھے لفظاں دے معنے
گالیں : گلاں سِردیاں: ہندیاں ہوئیاں وی رَت روسیں : لہو دے ہنجو وگائے گا۔ لیکھا بھردیاں: قیامت والے دیہاڑ۔حساب دیندے ویلے۔ وانڈھیاں : مسافراں ڈھانڈیاں: الاؤ مردیاں: مردے ویلے
112
کیا کیتو ایتھے آئے کے' کیا کہیں اوتھے جائے کے نہ تیں تنبن تنبیا' نہ تیں پنجن پنجیا، نہ لیتو سُوت کتائے کے نہ تیں چرخہ پھیریا' نہ تیں سوت اٹیریا' نہ لیتو تان تنائے کے نہ تیں ویل پنجایا' نہ تیں پچھی پایا' نہ لیتو داج رنگائے کے شاہ حسین میں داج وہونی' عملاں باجھوں گلاں کوڑیاں نہ لیتیو شوہ رِجھائے کے
صدقے میں ونجاں اوہناں راہاں توں' جن راہاں شوہ آیا اِی پچھی سٹ گھتاں بھرڑاندی،کتن توں چت چایا ای دل وچ چننگ اُٹھی ہیرے دے' رانجھن تخت ہزاریوں آیا اِی کہے حسین فقیر نمانا' مولا نے دوست ملایا اے
اوکھے لفظاں دے معنے چت چایا: دل چک لیا سُٹ گھتاں: سٹ دیواں چننگ: چنگیاری
114
اساں کت کو شیخ سداونا' گھر بیٹھیاں منگل گاؤنا اساں ٹُکر منگ منگ کھاؤنا' اساں ایہو کم کماؤنا عشق فقیراں دا ٹوہنی اِک وست اگوچر جوہنی اساں ہر دم رب دھیاؤنا اساں ہور نہ کسے آکھنا' اساں نام سائیں دا بھاکھنا اِک تکیا تیرار اکھنا' اساں من اپنا سمجھاؤنا اساں اندر باہر لال ہے' اساں مرشد نال پیار ہے اساں ایہو ونج وپار ہے' اَساں رَل مل جھُرمٹ پاؤنا پوتھی کھول وکھا بھائی باہمنا' پیار اکدوں ملیسی ساہمنا بَن' کاہے 'بیلا سبھ پھلیا' درد ماہی دا در در ہلیا! جھُک رہیاں نی عِشق پلاہمنا ویکھو کیڈے میں پارے پاڑ دی' میں لنگھدی تے ناگ لتاڑ دی سُتیاں شینہاں نوں نِت اُلانگھنا میری جند اُتے دل ہور ای' مینوں روگ نہ ہوندا کو صحیح نت اُٹھ بیلے ول ترانگھنا نت شاہ حُسین پکاردا' سائیں طالب تیرے دیدار دا اک ٹک اَساں وَل جھانکنا
اوکھے لفظاں دے معنے
منگل گاؤنا : خشیاں مناونا ٹُکر : روٹی دا ٹوٹا ٹوہنی : آسرا۔لاٹھی وست: شے اگوچر : انوکھا جوہنی: لبھنا دھیاؤنا: یاد کرنا۔وار وار ناں لینا۔ بھاکھنا: ورد کرنا تکیہ : بھروسہ ونج وپار: کاروبار پاڑے پاڑ دی: جتن کر دی پلاہمناں : شاخاں وَل : چکر ترانگھنا: دوڑنا جھاکنا: ویکھناں
115
من اٹکیا بے پرواہ نال اوہ دین دُنی دے شاہ نال قاضی' مُلا متیں دیندے کھرے سیانے راہ دسیندے عشق کیہہ لگے راہ نال ندیوں پار رانجھن دا ٹھانا! کیتا کول' ضروری جانا منتاں کراں ملاح نال کہے حسین فقیر نمانا دنیا چھوڑ ' آخر مر جانا اوڑک کم اللہ نال
اوکھے لفظاں دے معنے
دین دُنی: دین تے دنیا متیں: نصیحتاں ٹھانا: ٹھکانا کَول : قول اِقرار
116
آکھ نی مائے آکھ نی' میرا حال سائیں اَگے آکھ نی پریم دے دھاگے' انتر لاگے' سولاں سیتی ماس نی نج جنیندئیے بھولیے مائے' جن کر لائیو پاپ نی کہے حسین فقیر نمانا' جان دا مولا آپ نی
اوکھے لفظاں دے معنے
پریم : محبت انتر: اندر سُولاں : کنڈیاں توں۔ نِج جنیندےے : اُکا پیدا نہ کر دی۔ جَن کر : پیدا کر کے۔ پاپ : گناہ
117
تسیں مت کرو گمان' جو بن دھن ٹھگ ہے ہنساں دے بھلاوے بھُلی' جھولی لیتا بگ ہے پبن' پتر' اپر' موتی' توہی سارا جگ ہے نندیا' دھروہ' بخیلی' چغلی' نت کردا پھردا ٹھگ ہے کہے حسین سیئی جگ آئے ' جیہناں پچھاتا رب ہے
تسیں رل مل دیو ممارکھاں' میرا سوہنا سجن گھر آیا ای جس سجن نوں میں ڈھونڈ دی وتاں' سوسجن میں پایا اِی ویہڑا تاں آنگن میرا بھیا سہاؤنا، ماتھے نور سہایا ای کہے حُسین فقیر نمانا' مُرشد دوست مِلایا ای
