61 ویہن جھلاراں ڈیگ تے عشقے دے پہن نگال کندھ دا ویری کلرا مچھی دا ویری جال مچھی نوں نیر نہیں وسردا توڑے کڈھ کے سٹے بال یار یاراں نوں نہیں بھل دے توڑے دودھ کرئیے چار
62
کرموں نوں صاحباں دی پکی
اٹھ بہو دادا باہمناں توں آنویں میرے کام تینوں ددھ پولیساں گھیؤ دا اتوں سوناں کرساں دان تینوں گھوڑا دیساں چڑھن نوں کاٹھی سنیں لگام جاں جاں جیواں صاحباں توں کھاویں پیا انعام جے کمیں ایں میری جد دا تاں مرزا ایتھے آن
63 ۔
جواب کرموں
لکھوں کڈھیاں بتیاں میتھوں ایہ نہ کڈھی جائ خان کھیوے دی بیٹڑی تینوں آوندا غرض نوا چھوڑ پورانی دوستی نویں کتے ول لا جٹ دی نکیاں ہندیاں دی دوستی اوس منوں چھڈی آلاہ
64 جواب صاحباں
کلمہ لکھن والیا لکھ عشقے دی گل مینوں کلمیوں عشق اگیترا معرفت جیندے ول بتاں دیاں بن گئیاں ڈھیریاں میں بیٹھی مرزا مل مرزا تے میں پینگھ تے وچ کڑتی دی ٹھل مینوں جھوٹے دیہن سہلیاں اکدوجی دے ول میری ٹٹی پینگھ ہلاریوں رب نہ بھانی گل اٹھ پھتو قاضیا میری مسئلے ورگی گل میں آپے کم وگاڑیا میں بیٹھی راوی گھل جے نہیؤں سیالیں آوناں آکھ زبانی گھل
65۔
جواب پھتو قاضی
بس کرنڈھیئے صاحباں توں ایڈے وین نہ لائ کھیوے مہر شمیر دے متھے داغ نہ لا چنڈھڑ آوسن جنج کر تیرے بوہے بہسن آ میں ملاں تیرے جددا میری من دعا ہن کیہ کرئیے حافظا ڈھاہ لگی دریا
66 ۔
جواب صاحباں
میں سولاں دے منہ صاحباں جیؤں لوہے نوں تا میں سترپئی نوں چھوڑ گیا دتا سو ضامن خدا خط لکھوایا صاحباں متا مرزے دا قاضی نور محمد لکھیا اتے بہوں سلام دعا مینوں ستھر جوگن کر گیا توں نج محبتاں لا توبہ تیرے عشق توں وت کدی نہ لیساں نا
67
مقولہ شاعر
صاحباں کرموں ٹوریا دیندی لکھ پیغام تیرے باہجھوں مرزیا سانوں کھیوا شہر ویران میریاں اٹن پئیاں پونیاں مسجد رہیا قرآن اوہنوں عاشق کوئی نہیں آکھدا جیہڑا کرے پیاری جان
68
صاحباں دے ہاڑے
رات چٹی رڑھ چاننی چواں وٹ لئی چپ تیرے میرے عشقدی کوئی نہ رہے گی لک پانی باہجھ بروٹیاں سبھے گئیاں سک میرے کنیں بندے سر مینڈھیاں جیؤں کھتیاں سندے جٹ پرانہہ لے چل داناں بادنوں جاہن تگادے مک
69
چھپڑ ئیے چوگھٹسئے تیں وچ پانی نت میرے سجن آوندے جاوندے کر گئے گھراں دے چت مویاں نوں پٹناں اک دیہوں عشق سیاپا نت میں نکیاں ہندیاں پٹیاں لاہی دلاں دی سک
70 ۔
مقولہ شاعر
سئیاں دے وچ صاحباں اوہ دسدی اے لالو لال اوہ حور پری لا باولی چلے چال سیال اوہدے نک سنہری نگ جیؤں اوہ بلدی شمع مثال اوہ اندر پوری دی لوہنی حال اوہ خاناں حال
