Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> مرزا صاحباں >> مرزا صاحباں - حافظ برخوردار >> مرزا صاحباں 31-40

مرزا صاحباں 31-40

حافظ برخوردار
February 9th, 2008



31۔
کلام صاحباں


صاحباں آکھے مرزیا توں مرنوں بے پرواہ
وانگوں نال جو لاہندے گھن آویں گھن جا
سے ڈاراں وچ تدھ نوں بھلدا ناہیں راہ
مشکل ایہ ہے پاوناں منہ دے وچ گراہ


32۔

کلام مرزا


صاحباں جو لک تند پریم دی ولی اہے ول نال
اک جاگہ وچ اساں نوں ٹکناں بہت محال
سجے کھبے جھات پا ویکھاں تساں جمال
تاناں پٹیا اساں دا ویکھو سارا ابھال


33۔


کلام صاحباں


مرزیا پچھا اساں دا بھلا کریں دیں چھڈ
مارے مت شمیر تیں وانگ نشانی گڈ
جی جان سلامت لوڑناں نہ نہ گھتیں حد
برہوں اساں پھہائیا زلفاں دی پھاہی اڈ


34۔


کلام مرزا


صاحباں مرنوں ڈرن نہ محبتے عشق لکاون ننگ
سڑ دا تاوڑی مار دا اتے شمع پتنگ
جیؤں شہیداں دے کربلا عاشق ویکھن جنگ
کچی پوے مہاستی سڑنوں موڑے انگ


35۔


کلام صاحباں


مرزیا خوفوں دیہی سوزسوں کریو وانگ کباب
کچرک منہ ' چھپائیے مستی وانگ شراب
میانے لوتی لاء کے مت مینوں کرن خراب
ماتر کپاتر ماؤ کھڑنت میرے بھاء عذاب


36۔


جد نیلی توں پیڑ کے جاسیں اڈی لائ
تیرے دیسن مہنے مینوں سیخاں تائ
نہ جند وڑے نہ نکلے مشکل میرے بھائ
پر میٹے کون کلام نوں جاں لکھے آپ خدا


37۔


کلام مرزا


صاحباں جیؤں سفناں ویہندا دمدا ناہ وساہ
چڑھ مرمٹے سر عشقدے ہو وے جگ گواہ
لیلا' سسی' ہیر نوں پئی ہووے واہ واہ
رب اگے ہتھ جوڑئیے جیں لائی دا کرے نباہ


38۔


کلام صاحباں


مرزیا کفر ایہ ہے وچ عشق دے قولیں گھتن بھنگ
اتے ادھل جان سوانیاں مانگ دا ون سنگ
پر عاشق مہنے گال تھیں مول نہ ریہندے سنگ
تیرے توں سر گھولیا جویں چراغ پتنگ


39۔


کلام مرزا


صاحباں سولھدیں تن اچوٹسے اکھیں ویہسن نیر
چہر یوں ھبے نور آن کے پنجر وانگ سریر
برہوں کھلے تائیکے دھروس وانگ کریر
گجھے گھاہ پریم دے بند بند اٹھسن پیڑ


40 ۔


مقولہ شاعر


چھٹن ناہیں حافظا اس برہوندے ڈنگ
اندر وار رچانوندی کھاندی اے ایہ انگ
پر عاشق سولی چڑھن تھیں مول نہ ریہندی سنگ
مرناں سرناں سہل ہے پر عشق نہ لگے ننگ


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels