Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> مرزا صاحباں >> مرزا صاحباں - حافظ برخوردار >> مرزا صاحباں 41- 50

مرزا صاحباں 41- 50

حافظ برخوردار
February 9th, 2008



41 ۔


مرزے تھیں کھاون پیون مجلساں پھل کئی سبھ جا
جس ترنجن وچ صاحباں کوئی اوتھے نقارا وجا
ایہ کٹ کٹ کیتا کند لے برہوں دے کے تا
کون بجھائے حافظا جاں اگ لگے دریا


42 ۔


وراگ صاحباں


صاحباں اتن کتن بھل گیا عشق رچیا وانگ ہفیم
سکن سول فراق غم بنھ دھکی صفاں غنیم
پانی اندر لون وانگ گھل گھل پھہے سقیم
پیا وچھوڑا یار دا کلوتر کرس دو نیم


43 ۔


مرزے دی واپسی تے صاحباں دا حال

مرزے دا چلن سن کے صاحباں چھتے کھدے پٹ
ترسن نین پنیر جیؤں رو دے نیر پلٹ
اندر وڑے تے نکلے بیٹھ نہ ہنکے جھٹ
دم دم سیلاں مار دا اس برہوں دا بھٹ


44 ۔


مرزے دی روانگی تے صاحباں دی بیماری

مرزا ودیا کر کے چلیا صاحباں مرن کنار
نہ جند وڑے نہ نکلے ادھکڑے وچکار
لاہو لتھی صاحباں نہ اورار نہ پار
زہر و وچھوڑے اج دے بند بند ترٹن ہار
دتی آہی صاحباں کجلے دی کھد دھار
لٹکے جویں سپولیئے صندل نوں چک مار
جوں کندھاں وچوں نکلے شمیر وار و وار
یا ورق اتے رخساریاں الف پایا ستکار
ہنجوں وگن صاحباں جیؤں موتی ترٹن ہار
یا گھٹ بدل دی وس گئی نکی پوے پھہار
رخسارے پھل گلاب دے ہوئے زرد وسار
سوکھا درد فراق دا منجی پئی بیمار


45۔


مقولہ شاعر


چند چھٹاویں صاحباں مرزا راوی بیٹھا جا
صاحباں بلدی چکھا فراق دی وچ مرزے نوں سرت نہ کا
روون چھکن سول غم مرزا خادم گھلے جا
تاں خدمت کرئیے اوسدی تے گھر وچ آن بہا


46 ۔


صاحباں کر کے اوہنا ندی پھل پھل جوناں تھے گھلے یار
بھوجن کر دی جند دا اگے رکھن ہار
مینوں سیخاں بھن کے کرے کباب تیار
پانی دیون صراحیاں دیوی وار و وار


47۔


سدھے لگے حافظ ایس وچھوڑے دے پھل
مویاں نوں پٹناں ہک وار اسدا ہر دم سلھ
تانہ حد فراق تھیں اگ لگے جیؤں جھل
نیندر بھکھ نہ عاشقاں عشق بیٹھا کھٹ مل


48۔


صاحباں دی زاری


رناں رنی صاحباں جیؤں لعلاں ٹٹا ہار
یا کود بھرے سے روندیاں ترٹن پھل انار
ہنجوں وگن صاحباں تل پھل جھڑے انار
دیہدا ناہیں ماپیاں اتے خبر نہ مرزے یار


49 ۔


صاحباں دا علاج


صاحباں نوں دیہن بتیاں نک دے وچ دکھا
پر باہجھ وصال نہ نکلے برھوں جن بلائ
وید کہن سودا ہے اک آکھن این نہ کا
سدھ اجوائن کٹ کے گھوٹیا دیہن بنا
صاحباں کٹھی عشقدی ویداں خبر نہ کا
نیم طبیب ایہ حافظا عزرائیل سنا
نیم ملاں نہ چھیڑئیے کردا سلام اس جا
مت کہہ کے کلمہ کفر دا چھڈے ایمان گوا


50 ۔


صاحباں دا فال کڈھاناں


صاحباں ساہا کڈھایا پنڈ تاں ویکھ پتری ایت وار
مہت ہے سفر دی ڈٹھیاں دھکن منگلوار
ساہا کھورا نکلیا کیتی پوسی بھار
جریاں سبھ نحوستاں رھن نہ وچکار


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels