Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> مرزا صاحباں >> مرزا صاحباں - حافظ برخوردار >> مرزا صاحباں 51- 60

مرزا صاحباں 51- 60

حافظ برخوردار
February 9th, 2008
5 / 5 (1 Votes)

 


51 ۔


مقولہ شاعر


ویکھا ساہا پہر نوں روشن چن کلنگ
یا جل و نجئیں صاحباں جویں چراغ پتنگ
سن کے گلاں صاحباں بھنیں چوڑی ونگ
پر موت نہ ڈھئیے عاشقاں کل ملئیں یا منگ


52 ۔


خان طاہر دے بھٹ دا آؤناں

لے گنڈھیں گھر آگیا خان طاہر دا بھٹ
میں بہہ پچھاویں کھولیاں رنی سارا جھٹ
پٹ پٹ کڈھاں میہڈھیاں دے چیچی دا وٹ
لوگ روندے اتھرواں میں صاحباں روندی رت
کدی ریتوں کوٹ اسرے کدی کوڑ نہ ہندے سچ
مردی کلمہ بھراں نہ جے ہور قبولاں جٹ


53 ۔


صاحباں دی زاری


جٹی نین بدوقاں کس کے اگ پریم دی لائ
زلفاں دی کر جا لکی جا کھلاری وا
جٹی تک نشانہ کھرل نوں دتی کلا جگا
اوہنوں ہوئے نیں زخم از غیب دے اوہدا کوئی نہیں دوا
اٹھ وے کرموں باہمناں میرا لے سنیہڑا جا
ونجھ آکھیں مرزے کھرل نوں کدی سیالیں آ
مینوں لگا طمانچہ عشق دا رہ گئی خبر نہ کا
تپ آہرن ہوئی آں پھاڑیاں کھلاں دے مل گئے تا
میرا روندیاں نیر نکھٹیا لیندی اہجھڑے ساہ


54۔


صاحباں دا خط مرزے ول

کہندیں سن کے صاحباں خط لکھیا مرزے ول
جی ایہ کجھ ورتن ہار ہے میں تتی دے جھل
اساں قول جو ماریا سخی دا ہتھاں تے ہتھ مل
اپنے منہ دا بولیا توڑ نباہیں مل
ساون رت سہاونی سدا سہاوی ول
بھوراں پھلاں دوستی لگی رنگ محل
پھل سکے بھور اڈ گئے رہی نمانی ول
میرا ترلے لیندا جئیوڑا سکدا تیرے ول
میرا ترلے لیندا جیؤڑا سکدا تیرے ول
جے تدھ آپ نہیں آوناں حافظا ساڈا لکھیا وئیں گھل


55۔


بولی دی لج رکھنی میں چواندی تدھ پگ
کھانی اوں تے قسم ہی اٹھ اساں ول وگ
میرے تیرے ینہ دی خبر ایسے سبھ جگ
ویلا ای اے ہن پہنچ توں وچھڑ جائیے سنگ


56 ۔


کرموں واسطہ ای میری جد دا جا داناں باد ای ہن
میں دیکھ کر تخم اصیل دا یاری لائی اے چن
میں ستر پئی نوں چھوڑ گیؤں میری دہی نوں لا گئیوں گھن
بھلکے چندھڑاں آوناں کنیں لیسیں سن


57 ۔


چھٹی مرزے یار دی میریاں پسلیاں نوں سول
میرا ہانہہ کلیجہ مکیا تریوے تھوک رنجول
جد ضامن دتا ای رب نوں شاہد کول رسول
حافظ جس نوں کن عشقدی اوہ پھر دے سدا رنجول


58 ۔


کھرے دمامیں عشقدے مارو وجے ڈوں
تپ آہرن ہوئیاں پھاڑیاں عاشق کھلاں دتیاں دھوں
میں گھلیا کیہڑے کم نوں راوی بیٹھوں روں
تینوں کھوپے چڑھ گئے غرض دے توں گئیوں دلیلوں بھوں
کریاد قرار مسیت دا راوی سکھ نہ سوں
میرا واسا کھیوے شہر دا جس دروازے نوں


59 ۔


نہیں کوئی ثانی کھرل دا وچ دنیاں تے دین
کھرل جیہا مینوں نہیں دسدا توڑے دونویں جہان ڈھونڈین
مرزے گھت کے مینوں وچ کھرل دے کیتا چامہین
ہڈیاں ناڑیں پنجرا خاکو وانگ دسین
میتھے سر پر مرزے آوناں میں پکا صدق یقین
پاکے صاحباں کھرل وچ کیتی کھرل مہین
خاک میری ان بھوندڑی رل جائے نال زمین
اڈ جاواں داناں باد نوں تاں اکھیوں یار دسین


60 ۔


ککر پھلے ڈیگ دے جنڈیں لگا بور
اساں تیرا عشق قبولیا توں ساڈا کر منظور
اساں بیڑے چڑھناں عشقدے لنگھناں پہلے پور
تیتھوں بھاڑا منگن پاتنی تیرے پلے نہیں مصول


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels