Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> مرزا صاحباں >> مرزا صاحباں - حافظ برخوردار >> 100 -مرزا صاحباں بند 91

100 -مرزا صاحباں بند 91

حافظ برخوردار
February 13th, 2008



91۔
مقولہ شاعر

مرزا پچھدا حافظا توں کیوں کھلائیں دلگیر
لڑکیا، چنیں نی آہموں ساہمنے وچ کانجن سدھی پیر
کانجن نوں ودھا مکڑے مکڑے نوں ونھ گیا تیر
بھرونی وچاری کیہ کر کے جدھی دھنی وچ وگدا تیر
کہے تے بوڑئیے انج ملدے جویں بھیناں نوں ملدے ویر
وسا واں کھیڑاں ان لیندا جویں انھیں پھرن بصیر
دانداں گل پنجالیاں جیوں شیراں گل زنجیر
لٹھ پرانے لیڈی جیوں سی
أاں وچ کھیڈے ہیر
ونگاں ڈنگ پڑنگیاں وچ سدھے ہنی تیر
ٹنڈاں ماہل اریڑیاں حافظ جیوں ندئیں ویہندے نیر

92۔
بول مرزا

نچھ نہیں مننی آئی من مولا دی رضا
میں داناں بادوں ٹر پیا رہے بھرا بھوا
واسطہ گھتوں ربدا توں واگاں پچھاں بھوا
جے نصیباں داتوں جمیاں توں پرت گھراں ول آ

93 ۔
مقولہ شاعر

کس زمانے دی کوپری قبراں وچ پئی
اوس متھے دا لیکھ ویکھ کے پیلو پکڑ لئی
تیرے وال بھرے دند اکھڑے مکھ زبان گئی
پیلو کول نہ ہندا حافظا لکھیا کیہ وحی

94 ۔
کلام مرزا

راہیا راہ ول جاندیا میری سنیں گل کھلو
میں سوہا نہیں بار دا اگے ریہندا کتنے کوہ
میں شہر کھیوے دے جاوناں وار ستویں داڈھو
سراں دھڑاں دیاں بازیاں جیہڑی اللہ کرے سو ہو

95۔
جواب راہی

سن لے خاناں مرزیا توں ہویائیں وڈا دلیر
گھر ونجھل دے جمیاں تینوں اگے پینڈا ڈھیر
تینوں سدا ہویا توڑ دا لکھیا لیا ای نکھیڑ

96 ۔

طاہر خان دی برات

چڑھو جھڑیندے دیئے گھوڑے منکھ جوان
چہوں طرفاندی رات آء جنج ڈھکی طاہر خان
ریشم دیاں دو بندیاں اوہناں دے سانگین سانگ پکھان
واؤ وانگ سرنگ ہے اوہ دن پنج کلیان

97۔

کلام نیلی

نیلی آکھدی چابک ماریائی وٹ کے میری جد نوں لائیا لاج
میں حورساں وچ فرشتیاں پے گئی تیرے داج
میں منہ کڑیالا جھلیا کیتی رزق محتاج
نہ چرھیں توں میری پٹھ تے کیوں کرنی ایں ایڈے لاڈ
جاوے مرزیا وچ اجاڑ دے ماریوں تیرا تڑ پھڑ کر کے کباب

98 ۔

میں لے حقیقت یار دی آئی تیرے ول
مینوں نہیں کوئی شوق شکار دا نہیں کوئی دوجی گل
واسطہ گھتنی اوں ربدا کھیوے ماہنی تائیں لے چل

99 ۔

جواب مرزا

مرزا آکھدا توں نہ رونویں نیلئے توں کیہ رونیں نال
میں وانگ فرزنداں پالیوں تینوں منہ نہ کڈھی گال
گھت کے بھورے پالیوں تریہہ کھانے اک تھال
ویکھ تماشہ حافظا کلمہ پڑھے زبان

100 ۔

کلام مرزا

اسی پنجے پتر خان ونجھل دے پنجاں دی طبع ہور
چونہوں توں نکڑا میں مرزا میری واگ پلمدی ڈور
ساڈے منگوں چگدے ڈیگ تے ڈر دے ڈھک نہ سکدے چور

میں راہ ماراں بادشاہندے میرے سر تے تخت لاہور
میں چارے گٹھاں گھالیاں شکر وانگر بھور
میں کوٹ بھڑیساں ٹکریں مگروں کھرل کریسن زور
چدھڑ آپناں لوڑیندے آ جنج بھین گھراں ول موڑ
جاں جاں سر میرا مونڈھیاں صاحباں پرناہویں ایں کیں ہور
ویکھ تماشا حافظا بت نوں کھلی اڈیکے گور


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels