Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> مرزا صاحباں >> مرزا صاحباں - حافظ برخوردار >> مرزا صاحباں بند 131- 140

مرزا صاحباں بند 131- 140

حافظ برخوردار
February 13th, 2008



131

ہتھ اوہناں سانگاں دائینے جھیاں کڈھ وکھان
لہو دیاں اوہ دھر یہائیاں لوہا سار پھکان
تیغاں سے پرنائیاں اچھل اچھل جان
نیزے سورج ساہمنے لاٹاں دے جھڑلان

132

زوم اتے بلکاری دی چڑھیا ہے شہ میر
لگی جنگل جھڑی جیؤں آہے چودہ ویر
خبر ہندی جد ساہیاں وگدے رتوں نیر
پر میٹے کون کلام نوں جد لکھے آپ قدیر

133

جوئی دا اتارا

مرزا تھکا ہویا رات دا جوئیے لتھا آ
سارا پاسہ جت کے آخر ہاریا دا
کندھی اتے آء کے دب حجاج گیا
پکی ہوئی داکھ نوں غیبوں گڑا پیا

134

اک راہی نوں صاحباں دا پیغام

اک چکی چکی آوندا راہ بھدانوں کوئ
نظر پیا اوس صاحباں سدلیاؤ اوس سوئ
بھائی دئیں سنہا جائیکے شمیر نوں سنمھک ہوئ
جے مجھ نہ پاڑن اچرج انہون نہ ہوئ

135

راہی نوں صاحباں دا جواب

صاحباں آکھدی اچا بول نہ ماہنیاں چاچا دھیرا تھی
میری عرض منی ناں رب دے میں لگدی آں تیری دھی
ماہنی مینوں مارسن تینوں ڈھیسی کیہہ
راوی سانوں جان دے چاچا سے ورھیاں وے جی

136

کلام صوبہ (جہکڑا)

جاں کر بسم اللہ اتری ہویا اندھیرا دور
مرزے نوں مکہ دسدا سامناں جیؤں موسیٰ نوں کوہ طور
جھیکڑ ویکھ تجلی جھڑ پیا اوہدی ہو گئی گل منظور
صورت میرے پیر دی نور ونور ظہور
لے جا داناں باد نوں حافظا ایہہ گل ہے نہیؤں کوڑ

137

ذکر کل تے نارد

کل تے نارد جوگیڑے اسیں مل کھلوئیے وار
جٹ دوروں آندا تک لیا نیلی دا اسوار
آساں بچ گیاں مرزے یار دیاں ایہنوں ایتھے ای چا مار

138

کلام کل

کل پئی آکھے نار دا میرے پے اتے پیر ٹکا
طوبیٰ رکھ بہشت دا جس تے ہر بندے دا ساہ
جس تے ناواں کھرل دا اوہ پتر گیا کرما
ویکھ تماشا حافظا اگلی گل سنا

139

کل پئی آکھے ناردا توں میتھوں ہو جا دور
اگے کھاہدے کورو تے پانڈو میں سے لنگھائے پور
اگے جنگ آہا حسن حسین دا پایا ہے بھیڑ ضرور
حافظا لے جا داناں باد نوں ایہ گل ہے نہیؤں کوڑ

140
کلام صاحباں

وے سن جنڈوریا بار دیا توں میرا کریں نیاں
ہن پھلیؤ دگناں تیری ٹھنڈی مانی چھاں


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels