مرزا آہا جکڑیا جڑوانی گھٹ زنجیر نیلی جاتا ویہہ ملی قادر دی تقدیر ایہہ مڑ مڑ جھنے سنب نوں اکھیں واہے نیر ہنکے کرے اشارتاں کنبیں پیا سریر
152
روانگی گھمیار
اوتھوں چکی والا وگیا گلاں سن کھیبار فوجاں مل کے ماہنیاں کہیا پاڑے پار یارو اوس جھنگی وچ میں ملی صاحباں سن یار کہے بھائی شمیر نوں آکھیں ایہ وچار
153
شمیر دی ملاقات گھمیار نال
چکی ریہڑا جاوندا خان شمیر دی نظر پیا اوس ویکھ پسندا آدمی نیڑے سد لیا اوس سر چکی دا پنیا اوہدا پچھاں نوں سرپیا اوہ ویری میرا دسدا اوہ کیہڑے راہ گیا
154
جواب گھمیار
کھیوے دا خان شمیر توں سخن ادے نہ بھور اوتھے جاندے میں ڈٹھے اک بکی دو چور اوہ پہنچ پئے گھر اپنے توں واگ پچھاں نوں موڑ
155
ہیٹھ جنڈورے میں ڈٹھے اک نیلی دوجی اوہدے کنیں بندے سر مینڈھیاں سانویں رنگ صحیحی اوہدے گل دریائی قیمتی طوطے وانگ ہری چیتے لکی صاحباں جیوں جندر لٹھ چڑھی اوہ بھڑک وڑی وچ بدلاں حوراں دی بھین پری
156
ماہنیاں دا غصہ کرنا
گلاں سن کے ماہنیاں ہتھوں لگی اگ ایس کپتی اساں دا کالا کیتا جگ ویرہ لے اوس جھنگڑی فوجاں کر کے سنگ ہوش نہ آیا کھرل نوں سر تے رکھے پگ
157 کلام صاحباں
ہیٹھ جنڈورے سیں رہیائیں لال دوشالہ تان تینوں وحی وگائیاں کانیاں گھر موت نہیں دیندی جان کھریوں کڑکی بدلی تیرے سر تے لتھی آن ویکھ تماشہ حافظا کلمہ پڑھے زبان
158
طوطے بولن بار دے ونیں جھنگارن مور تینوں نیندراں چڑھ گئیاں سانوں خطرے ہور کیوں پہتا ساتھ لٹاؤندا بہہ داناں باد دے اور اگے عاشق تے وریام نوں کھلی اڈیکے گور عاشقاں دے گل جیوڑی جیؤں لاٹو دے گل ڈور شیر نہ اٹھدے مار توں توڑے سانگاں پہن کروڑ حافظ اوڑک ہوسیا بت نوں کھلی اڈیلے گور
159 جواب مرزا
الف' اللہ نوں یاد کر ب ول کر دھیان ب تے سچے رب دی سچے دا فرمان اگے دال تے ذال دا لکھیا وچ قرآن تے تابتی دے نال چلناں ساڈے مشکل ہون آسان
160 مقولہ شاعر
کتے خان شمیر دے چھپڑی آن وڑے اکے ڈھنڈاؤ اساں اکے میرشکار چڑھے ہیٹھ اوہناندے کلیاں تازنی جیہڑیاں رلیاں کپ رڑے راکھا وچارا کیہ کرے حافظا جد پکی تے پہن گڑے
