Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> مرزا صاحباں >> مرزا صاحباں - حافظ برخوردار >> مرزا صاحباں بند 161-170

مرزا صاحباں بند 161-170

حافظ برخوردار
February 13th, 2008



161
کلام مرزا

چڑھیا کٹک سیالدا اگے لگ وحی
جد ڈٹھے سیال میں آؤندے میری اگھڑ نیند گئی
مینوں بنھ تقدیر نے ماریا میری کوئی نہ پیش گئی

162
کلام صاحباں

صاحباں حور شعور دی چن سترانے دی لو
واری میریا ترنجناں پرنہاں ہٹ کے رہو کھلو
مینوں کم لچٹاپے گیا جو اللہ کرے سو ہو

163
کلام صاحباں

وچ میدان دے بولدا میرا مرزا شیر امیر
اوس چن کے تھیؤں کڈھ لیا پھل رکھ سنہری تیر
اوہ پھڑ چوہنڈیوں ماردا تیر اڈیا وانگ تہمیر
اوس ہان کلیجہ بکیاں و دھا گل سریر
ویکھ تماشہ حافظا دنیاں نال کیہ سیر

164
مرزے دی للکر

مڑ وچ میدان دے بولدا مرزا شیر جوان
اوس چن کے تھیؤں کڈھ لیا پھل رکھ سنہری کان
اوہ پھڑ چوہنڈیوں مار دو تیر اڈیا وانگ طوفان
اوس ہان کلیجہ دے بکیاں ودھے کل مکان
اوڑک اوہ کجھ ہوسیا حافظا جاناں چھڈ جہان

165
کلام صاحباں

مرزے نوں نہ ماریو پگڑ لو تسیں میری بانہہ
میں حق پچھاتا آپناں تہاڈا کیتا کیہ گنانہہ
کچہری جھگڑاں پاک رسول دی میرا قادر کرے نیاں
لے چل داناں باد نوں حافظا تیرا دوہیں جہانیں ناں

166
کلام مرزا

مرزا آکھدا بیٹے شاہ علی دے حسن حسین بھرا
اوہ لڑ دے نال یہودیاں وت کر دے جنگ بھلا
چپ کر گئیاں بیبیاں حسن حسین کہا
منی رضا پیغمبروں حافظا توں وی من رضا
سوں شہیداں نوں کر بلا تیؤں کھیوا ساڈے بھا

167
کلام صاحباں

ہن کیہ کرئیے حافظا ڈھاہ لگی دریا
میں سولاں دے منہ صاحباں جیوں لوہے نوں تا
ہوئے سوائے ڈیوڑھے لاگی آ گئے شاہ
سانوں لہنے دی اگئی دیونی ساڈے گل پلہ منہ گھاہ
اساں لہناں دیناں رب دا ہس کے دتا چا
ہتھوں پتھوں سکھناں پیا کٹک تے دھا
اوہناں شیر پھہایا وچ پڑ دے اوہنوں گل نہ بجھے کا
اوڑک اوہ کجھ ہوسی حافظا جیہڑی کر ے خدا

168
کلام مرزا

عشق بھلیرا پاتنی قتل کریندا چا
بھر بھر بیڑے ڈوبدا ہوراں دے وچ جا
مینوں عشق حقانی لگیا میں منی رب رضا
کیوں گلاں کردے اوہ کچیاں مینوں خبیر نہ کا
اوڑک اوہ کجھ ہوسی حافظا جیہڑی کرے خدا

169

مندا کیتوئی صاحباں میرا ترگش ٹنگیوئی جنڈ
ترے سو سٹھ کانی میرے ساردی دیندا سیالیں ونڈ
پہلی ماراں خان شمیر نوں دوجی کلے دے تنگ
تریجی ماراں اوس نوں جس دی توں ساہیں منگ
چوتھی ماراں اوس نوں جیندی توں ساہیں فرزند
میرے سروں منڈاسا ڈھبہ پیا ننگی ہو گئی جھنڈ
باہجوں بھراواں سکیاں میری کون کجیسی کنڈ
کول ہندے بھائی سکے میریاں پیڑاں لیندے ونڈ

170
ماہنیاں دا حملہ
مینہ پئے سے گولیاں تیرا ودھے چھنب
وانگوں عمق دریا دے ڈیکاں رکیاں ہنب
جھڑ جھڑ پوندے کندلے جیوں پک ڈگن انب
لکڑیاں دے ڈھیر کر پچھوں دیون لنب


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels