Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> مرزا صاحباں >> مرزا صاحباں - حافظ برخوردار >> مرزا صاحباں بند 181-190

مرزا صاحباں بند 181-190

حافظ برخوردار
February 13th, 2008



181
تیرے پچھے تجیا مرزے داناں باد
وچ وناں دے آء کے کیتی جان برباد
لا کے پچھوں تاؤناں مورکھ کر دے یاد
دنیاں سفناں رین دا ریہندی پلک آباد

182

میرا ڈبا چن تاریخ دا مدھم ہو گئی لو
دونہاں پڑاں وچ آئے کے خالی رہیا نہ کو
میں وین کریساں تدھ نوں وچ میدان کھلو
سکدی میرے جان دے کدی آخر میلے ہو

183۔
کلام مرزا

جے جاناں مر ونجھناں کردا کوئی سمیان
کھرل کڈھیندا سورمے اکو جہے جوان
اوہ پھڑ کے تیغاں مار دے اکو جہے جوان
دیکھ تماشہ حافظا چھڈناں انت جہاں

184
جواب صاحباں

مرزیا تیرے پچھے پلہریا میر شمیر بھرا
بہندی وچ سہلیاں میرا روندیاں عقل گیا
عشق بھلیرا چورٹا حافظا لوں لوں گیا ای دھا

185

جا حوالے رب دے توں ہچھی نباہی توڑ
میرا لعل کھڑا تا ہار تھیں ہتھیں بیٹھی ٹور
میرا باہجھ خداء توں ساتھ نہیں کوئی ہور
میری جاسی کوک خدا لَتے میں کہنوں اکھاں چور

186
مقولہ شاعر

لگیاں والے کوکدے بیدرداں نوں کیہ
میرا توہیں تقویٰ آسرا توہیں رسول نبی
اک ہور رسول وی آکھدے میرا نہیوں وسدا جی
اک آہندے خالق خلق دا سانوں جھگڑا کیہہ

187
کلام صاحباں

ج' جدائی یار دی موتوں بری ودھیک
میرے پنج بندے ترے والیاں گنیں بن کے ٹھیک
میرا ماس تڑکنوں ٹرکیاں بیرے چڑھ گئے سیخ
میرے گل وچ دھاگا نظر دا ڈولے نال تعویز
میں مٹھ کوہڈیاں رہ گئی جیوں مندری وچ عقیق
میں کلمہ پڑھاں حافظا روز قیامت تیک

188

لگیاں والے کوکدے کر کے بنڑی جھانگ
نہ اوہ پتن بیڑیاں نہ اوہ لگی ٹانگ
میرا اللہ ہوسی مہربان حافظا مولا لائے گا ٹانگ

189
سلطان دا بلاناں صاحباں نوں

سلطان بلایا صاحباں ایہ کیہ کیتی کار
گرم رضائیاں چھوڑ کے توں ملی ساندل بار
توں آکھ زبانی صاحباں تینوں ماراں کیہڑے تکرار

190
جواب صاحباں

سن سلطاناں قابلا مرزے توں میں قربان
توں کیہ جانے جاہلا عشقے دا قدر بیان
جویں صدیق رسول دا من لیا فرمان
میرا سراے مرزے یار دا جنھوں چاہے دیوے دان


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels