Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> مرزا صاحباں >> مرزا صاحباں - حافظ برخوردار >> مرزا صاحباں بند 191-200

مرزا صاحباں بند 191-200

حافظ برخوردار
February 13th, 2008



191
کلام صاحباں

جاگ وے مرزیا ستیا تیرے سر تے سیال کھلے
اوہناندے ہیٹھ کلیاں تازنی رلیاں کپ رڑے
اوہناندے ہتھیں قبضے کاٹھ دے ہنیاں طبل جڑے
اوہناندیاں کاٹھیاں جڑت جواہری وچ کوکے خوب جڑے
اوہ مڑپے کھیوے شہر توں دھا داناں باد وڑے
کھرل نوں مل پے راہ تے اوس تے واری کون کرے
اک خان کھیوے دا پوترا جا قبضے ہتھ دھرے
اوہناں ڈکرے کرکے کھرل دے ہن کٹھے کون کرے
کوئی ہندا مرزے کھرل دا جیہڑا اسدلے نال مرے
اوڑک بازی ہاری چندھڑاں حافظا خالی گئے چھڑے

192
صاحباں دی زاری

صاحباں رنی رب تے اوہدی پئی دعا قبول
روندی صاحباں ویکھ کے آئے پاک رسول
اگوں اٹھ کھڑی ہتھ بنھ کے اک ذری نہیں سو کیتا طول
اوہناں ہتھ سرے تے رکھیا کہیا نبی رسول
فضل کیتا رب اوس تے حافظا اوہدی ہو گئی گل منظور

193
کلام صاحباں

صاحباں کہیا نبی جی امت دے سردار
تساں کرکے جاناں فیصلہ نال زبان قرار
نالے سچ مینوں دس دیہو کدوں ملے گا مرزا یار
اوڑک اوہ کجھ ہوسیا جھوٹھا ونج بیوپار

194
مقولہ شاعر

توں نہ رو صاحباں جھورے لا نہ چت
تینوں اوڑک پھاہ دیہن گے ایس نال چنڈ ورے چھک
وصل کریں توں یار دا لاہیں دلاں دی سک
اوڑک اوہ کجھ ہوسیا حافظا جھگڑے جاہن گے مک

195
صاحباں دی موت

صاحباں جھٹ جھٹلاوندی پھاہے دتی میں کسے دا
جیوں ساون دی پینگھ تے چاڑھی تھم بھرا
رنڈی ہو پرنہیوں نہ شادی ویکھ نہ کا
ویکھ تماشہ حافظا اگلی گل سنا

196

صاحباں نانوں لے مرزے یار دا رووے نیر پلٹ
سن کے ویں شمیر نوں دل وچ لگے پھٹ
اوہناں پھاہے دتی صاحباں گل وچ پٹکا گھت
اوس جان گھمائی یار توں مرزے نوں رہی نہ ہت

197
صاحباں دا ماتم

طوطیاں گھماں کھتھیاں دین چنگھار پوون
نیلے ویسن وناس دے رکھ تھرایڑپے کنبن
اک کانگ جے آہاست جگی روپچھائی اے دھن

198
سوال صاحباں روحانی

کانواں جنڈ تے بیٹھیا تیری کتنی عمر گئی
میری عرض منی نہ رب وے میں ہو بیزار کہی
مینوںبھین بھائی سبھ چھڈھ گئے میری کسے نہ سدھ لئی
مینوں بھین بھائی سبھ چھڈ گئے میری کسے نہ سدھ لئی

199
جواب کاں

مینوں ست جگ ہو گئے جیوندیاں میری اتنی گئی وہا
خبرے کتنی رہ گئی اگے معلم ہے خدا
توں مول نہ رہیں سکدی مینوں گل کائی فرما
سرپر جا کے پہنچیاں حافظا جیہڑی کرے خدا

200
جواب صاحباں روحانی

صاحباں آکھدی کانگا راولا توں ڈٹھی بیتی ہوئی
میں چندو چولی یار دی جاقدماں وچ ڈھوئی
میں بھاناں ورتیا لیکھ دا ہونی سی جیوں ہوئی
جا آکھیں دردی محرماں میری ٹورن گل کوئی


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels