221 چڑھتل کیتی کھرل نیں سٹ پئی سندان اوہناں گھوڑے کتے زن طلاق اوہناں سڈھے لئے پلان کھورد کڈھے سڈھیاں دھوڑا ڈچڑھی اسمان اوہناں تھم مسائے مس مساں جیؤں اوٹھاں تے اٹھوان
222 کلام سرجاتے نیلی
کتھے مرزا ماریا دس اساں نوں پائ ساڈے بھیڑے اہنی طالع کتھے ایں لعل گوائ مینوں نبی دے ویلے نہیں پکری لکھ لعنت تیرے بھائ
223 جواب نیلی
ست کوہ ڈیگوں ماریا ہو کے پیلے دا میں کدوں کھلوندی پرت کے جد قسم نہ پاندا جا اوہنوں سدا کیتا توڑ دا حافظا میری فرصت کیا
224 کلام سرجا
گل بکی دے لگ کے روندا پیا سر دول میں لکھ لکھ منتاں منیاں میری اک نہ پئی قبول سیالاں مرزا ماریا اوہناں گھتیا بڑا نزول لے چل مرزے دی لوتھ تے حافظا اوتھے ہو جا ساں چکناں چور
225 جواب نیلی
توں نہ رو سرجیا روناں کر لے بس قلم ربانی نہیں موڑنی ہے نہیں میرے ہتھ ایسی قدرت رب دی ہر شے رب دے وس جو کجھ بھاوے رب نوں حافظا دیہ رکابے لت
226
آچڑھ میری بیل تے سجی ٹنگ ولا میں نمک کھاہدائی کھرل دا سر پر مرساں جا رب روڑی کرے سیال نوں میری ایہا دعا
227 کلام سرجا
اوتھوں سرجا لڑ پیا سیؤں کے حضرت پیر بخشیں مائے میرئیے بتری دھاراں شیر اگوں ماں مرزے نوں آکھدی سن میرے شوہ پیر اوکھی گھاٹی آن پوے تد یاد پوندے نی ویر اوہنوں طاقت نہ رہی کون دی حافظا اکھیں چل گئے نیر
228 کلام نصیباں
آکھے جا حوالے رب دے کرلے یاد خدا تھن بخشے نی دائیاں مائیاں جن بخشے تا تہاڈیاں لوہے نہیں آندیاں ڈولیاں میرا منوں نہیں لتھا چا میں مٹھیں وٹ کے بہہ گیأاںلے کے اہبھڑے بھا جا حوالے رب دے حافظا جیہڑی کرے خدا
229 کلام راء رحموں
دائریوں باہر نکل کے رائے رحموں کڈھے لیک تسیں سارے کھرل سوہنے میرے عادی مڈھ شریک جنھاں جند پیاری اے نہ کوئی پٹیا ائے لیک اساں مرزے دا ویر ویاہوناں حافظ جا لڑاں سیالیں ٹھیک
230 جواب سرجا
سرجے آہیں ماریاں روندا زارو زار مینوں لگا کلیجیؤں کنڈھیوں ہو گیا پار رب نہ بھلائے جھانب خاں مرزے نوں ایتھے گئے نی مار
