Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> مرزا صاحباں >> مرزا صاحباں - حافظ برخوردار >> مرزا صاحباں بند 231- 242

مرزا صاحباں بند 231- 242

حافظ برخوردار
February 14th, 2008



231
کلام نیلی

ایتھے مرزا ماریا میں ہتھیں گئی کہا
اوہناں بھن بھن آندے جنڈون دتی اگ دھکا
اوہناں گلیں ککھیں گھت ساڑیا کول نہ آہ سو بھرا
تسیں کلمہ پڑھو رسولدا حافظا کریو یاد خدا

232
کلام سرجے دی پھتے نال

کھرل پھتے نوں ہجھیا ذار دئیں تماکو پا
راوی دیا ہلیا گنڈیا ساڈی باری ہتھ نہ پا
راوی اتوں چل کے کیتا ای بہت اکا
خان مرزے نوں ڈوھنڈ دا مت جائیں جان ونجا
ہوش کریں سرجیا حافظا واگاں پچھاں بھہا

233
کلام پھتا

مندا کیتوئی سرجیا بلدی تے پایو ای تیل
سڈھے آیائیں پیڑ کے کر کے آپناں میل
جاہ پچھاں نوں پرت کے نہ کر ایڈ اولیل
جے کدے موتوں نہیں آتوں سنگناں تیرا میرا حافظا رب سکدیاں کیتا میل

234
روانگی پھتا

اوتھوں پھتا چلیا ہو کے بہت ناشاد
تن سو کل اسوار دا لاہیا اوس لحاظ
اگے خان شمیر دے جا لائی اوس فریاد
ساڈے منگوں مارے کھرلاں اسی حافظ کت لائیے فریاد

235
کلام دختر شمیر خان

ہٹ پچھاں نوں چندھڑا میری وہی ہتھ نہ لا
کھرل آگئے نی چڑھ کے جنھاندا کٹھا ویر بھرا
جے فتح ناں آئیوں پا کے نہ میں بھین نہ توئیں بھرا

236
سرجے دا پھیرا

سرجے نیلی پھیری آ کھرلاں اگے جا
رناں نوں مانواں آکھ کے تسی ویسیں بہوجا
اساں مرزے دا ویر ویاہوناں حافظا جیہڑی کرے خدا

237
کلام نیلی

پنی میری عمر ہی رہی لباں پر آ
سنبھل سنبھل کھیڈناں تیرا راکھا آپ خدا
ہوش کریں وے سر جیامتے دوہاں پئی رووے ما

238
راء رحموں دی ونگار

راء رحموں کھلا ونگار دا نگلیں کھیویا باہر
اساں مرزا گھلیا ویاہوں نوں تساں جنھوں گھتیا مار
سانوں صاحباں ڈولے گھت دیہو اسی ڈھکے آں پورے وار

239
مقولہ شاعر

نیلی چرے وچ بار دے ویکھ ماہنیاں لئی پچھان
اوہدیاں قلماں وانگ کنوتیاں اتے سوہے سبز پلان
اوہدے سنباں لاٹاں چھڈیاں جیؤں آہرن پین ودان
اج کوئی نہیں مرزا نوں مار دا جے آسن ہو بہے خان

240
کھرلاں تے ماہنیاں دا مقابلہ

گھرے دمامے عشق دے مارو وجے ڈھول
ماہنی آئے ونگار توں بول کولے بول
اوہناں آڈھکیاں دے حافظا آن پریٹھے جھول

241

لاہ کھرلاں گن گن منڈھیاں لائے سراں دے ڈھیر
رتوں کھیوے لوک دے وگے ویہن چو پھیر
بن گرداں اڈیاں ماہنیاں جد کھرلاں مارے گھیر
ویکھ تماشہ حافظا دتا رحموں گھت ہنیر

242
کھیوے دی تباہی

گھرے دمامے عشق دے جد مارو سٹ پئی
شہر کھیوے دا لٹیا دیہیں خبر گئی
پئی چننگ بارود تے اجڑ کھیڈ گئی
ہن کھرل چلے گھر آپنے حافظا پڑھ الحمد صیحی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels