Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ابیات سلطان باہو >> ابیات باہو 110-101

ابیات باہو 110-101

سلطان باہو
February 5th, 2008
5 / 5 (1 Votes)


101
راہ فقر دا تد لدھیوسے ہتھ پھڑیوسے کاسہ ہُو
تارک دنیا تداں تھیوسے فقر ملیوسے خاصہ ہُو
دریا وحدت نوش کیتوسے اجاں بھی جی پیاسا ہُو
راہ فقر رت روون باہو لوکاں بھانے ہاسا ہُو


اوکھے لفظاں دے معنے
فقر= ٹ ک 22
تد ؤ اودوں
لدھیوسے= سانوں لبھیاسی
پھڑیوسے=اساں پھڑیا سی
تارک دنیا = ٹ ک 42
کاسہ42=
تھیوسے =اسین ہوگئے ساں
خاصہ 42=
دریا =سمندر
نوش کیتوسے =اساں پی لیاسی
اجاں =اجے حالے
ہنجھو=اتھرو
رت وون =رت دے اتھرو گانا
بھانے =ٹ ک 42


102
روزے نفل نمازاں تقوی سبھو کم حیرانی ہُو
انھیں گلیں رب حاصل ناہین خود خوانی خود دانی ہُو
نال ہمیش قدیم جلیندا ملیوس بار نہ جانی ہُو
ورد وظیفے تھیں چھٹ باہُو جد ہو رہسی فانی ہُو


اوکھے لفظاں دے معنے

ایس بیت وچ فقر دی انتلی منزل دا ذاکر چوتھے مصرعے وچ اے۔ جناں چر اوہ فانی نہیں ہوندا اوہدا مسئلہ حل نہیں ہونا۔ ظاہری عبادتوں روزے نفل نمازاں تے پرہیز گاری دا نتیجہ حیرانی اے۔ ایہناں گلاں نال رب دی ذات دی پچھان نہیں ہو سکدی ۔ سگوں خود خوانی تے خوددانی ودھدی اے
خوددانی=زعم۔ خودی ۔ تکبر صرف اپنے آپ نوں ای ٹھیک رستے تے جاننا۔ باقی دی دنیا نوں گناہ گار سمجھدے ہوئے اوہناں نوں نفرت کرنا
نال ہمیش قدیم جلیندا=......اجیہے متکبر گھمنڈی بندے نوں مڈھ قدیم توں نال گزر بسر کرن والا جانی یار وی نہیں مل سکدا اوہدا نفس علم تے ظاہری عبادت نوں حجاب بنا کے وچکار کھڑا کردیندا اے
جلیندا=ٹ ک 14
نہ ملیوس=اوہنوں نہیں ملیا
جانی1- =جان دا مالک -2 پیارا -3 سب کجھ نانن ولا۔ مرادی معنے اللہ تعالی
چھٹ =چھٹی ۔ رہائی ۔ چھوٹ ۔ رعایت
رہسی=باقی رہے گا
رہنا =بچھنا باقی رہنا ۔ ورتوں توں ہٹنا
(جدوں اوہ جفانی ہو کے باقی رہے گا اودوں اوہنوں ورد وظیفے توں چھوٹ مل جاوے گی )



103
ر-رحمت اس گھر وچ وسے جتھے بلدے دیوے ہُو
عشق ہوائیں چڑھ گیا فلکیں کتھے جہاز کھتیوے ہُو
عقل فکردی بیڑی اوتھے پہلے پور بوڑیوے ہُو
ہر جا جانی دسے باہو جت ول نظر کچیوے ہُو


اوکھے لفظاں دے معنے

گھر=بندے دا دل۔ ضمیر۔ گھٹ
گھر وچ دیوا بلنا =روشن ضمیر ہونا۔ دل چانن ہو جانا ۔ سب حجاب دور ہو جانا
عشق ہوائیں =......عشق دا سمندر طوفان پاروں آسمان نال جا لگا اے جہاز ظاہری اسباب تے وسیلیاں دی علامت اے۔ جد عشق سمندر وچ طوفان آیا اے ہن پار لنگھن والے ظاہری اسباب جہاز وغیرہ نوں کہیڑے کھاتے پائیے ۔ ہن ایہناں دا کیہ فائدہ اے۔ اجہی حالتوچ سمندر وچ عقل فکر دی بیڑی وی پہلے پور ای ڈب جائے گی
پور=(١) اک وار بیڑی وچ بیٹھے مسافراں دی گنتی ۔ (٢) بیڑی دے مسافراں دی کل گنجائش جہدے نال بیڑی بھر جاو ئے
پہلا پور=پہلا پھیرا
جانی = ٹ ک 95
جت ول =دتاریاں دا مدار
فلکیں =فلکاں وچ
کتھیوے = کھاتے وچ پایا جاوے


104
زاہد زہد کماندے تھکے روزے نفل نمازاں ہُو
عاشق غرق ہوئے وچ وحدت نال محبت رازاں ہُو
مکھی قید شہد وچ ہوئی اُڈسی نال شہبازاں ہُو؟
مجلس نال نبی دے باہو صاحب ناز نوازاں ہُو


اوکھے لفظاں دے معنے

زہد =دنیا دے سواد (پنجاں اندر دے آنند ) چھڈن دی حالت
کماون = ٹ ک 60
عاشق تے زاہد دا مقنلہ اے ۔ عاشق جدوں رب دی وحدت وچ ڈ ب جاندا اے تے رب نال اوہدی گوڑھی پریت لگ جاندی اے۔ رب کوئی بھیت اوہدے توں لکا کے نہیں دکھدا۔ عاشق نوں شہباز تے جھوٹھے زاہد نوں مکھی آکھیا اے
مکھی =دنیا دے لالچ لگ لیڑ وچ پھسیا انسان
شہدا= دنیا واسے دی مٹھاس
اُڈسی؟=نہیں اڈے گی
شہباز =دنیا دے لگ لیڑ وچ نہ پھسن والا۔ اعلی قدراں دا حامی تے گھٹیا قدراں دا تارک (2)اُچی پرواز کرن والا وڈا باز جو مردار کھان توں پرہیز کردا اے
صاحب ناز=کسے تے کجھ نوازش کرن جوگے۔ کسے نوں کجھ دے سکن والے
ٹ ک ۔۔۔۔بھلا ہویا گڑ مکھیاں کھا دا اسیں بھن بھنا توں چھٹیا سے (شاہ حسین )
مکھی پھاسدی شہد وچ ہو نیڑے وارث شاہ اس جگ وچ پھاددا ای (ہ-بند596)
جائے کہ من رسیدم امکاں نہ ہیچ کس را شہباز لا مکانم آں جا کجا مگس را (کلید التوحید خورد)


105
زبانی کلمہ ہر کوئی پڑھدا دل دا پڑھدا کوئی ہُو
جتھے کلمہ دل دا پڑھیئے جیبھے ملے نہ ڈھوئی ہُو
دل دا کلمہ عاشق پڑھدے جانن یار گلوئی ہُو؟
کلمہ یار پڑھایا باہو سدا سہاگن ہوئی ہُو


اوکھے لفظاں دے معنے

ڈھوئی =پہنچ۔ رسائی نیڑے آون دی اجازت ٹ ک 122عشق بناں دل مردہ غافل نہ درگا ہے ڈھوئی (مولوی غلام رسول )
گلوئی =(١) باتونی گلاں دے گالڑی (٢) اعوان کارن دا اک قبیلہ ٹ ک اعوان کاری ڈ 431تے صفحہ 330
سہاگن =سبھاگن ۔ چنگے بھاگاں والی۔ پیا ملاپ وچ سپھل وصل کرن وچ کامیاب
سدا سہاکن ہوئی = ہمیشہ واسطے ملہ کے اک مک ہوگئی
(ہوئی دی تھاں تے سوئی دے امکان تے وی غور ہو سکدا اے )



106
سبق صفاتی سوئی پڑھدے جو وت ہینے ذاتی ہُو
علموں علم اُنھاں نوں جیہڑے اصلی تے اثباتی ہُو
نال محبت نفس کٹھونیں کڈھ قضا دی کاتی ہُو
بہرہ خاص اُنھاں نوں باہو لدھا آب حیاتی ہُو


اوکھے لفظاں دے معنے

صفاتی سبق =(پہلاں نمبر 53دی دہرائی کر لو )
جیہڑے سالک اللہ تعالی دے صفاتی نانواں دے وچ کافی چر مگن رہندے نیں۔ ٹ ک 86وت، (علاقائی بولی دے تقاضے پاروں ورتیا گیا اے)
ہینا=نیواں تھلے دے درجے دا۔ ادنی۔ گھٹیا ۔ کمزور۔ عاجز ۔ مسکین (سلطان العارفین ذاتی سبق پڑھن نوں چوکھا مقدم سمجھدے نیں
ذاتی سبق پڑھنا ؤ اللہ دی ذات پاک دی معرفت حاصل کرنا
علموں =علم دے اصلی منبع (اللہ دی ذات پاک ) ولوں
اصلی=اصل وچ رل جان والے
اثباتی = الا اللہ وچ رچ کے فنا ہو جاون والے۔ اپنی ہوند دے انکاری
کٹھونیں ؤ اوہناں کوہ دتا اے
قضا = اللہ دا نیانو۔ رب دی مرضی
کاتی =چھری ۔ ٹ ک 115
بہرہ =حصہ ۔ بھاگ
لدھا=لبھیا ۔ حاصل ہویا
آب حیاتی =ٹ ک 17
(آب حیاتی وچوں حصہ اوہناں ای لبھیا اے۔ جنہاں اپنے نفس نوں قضا دی چھری کڈھ کے مار دتا اے
پیراں دا پیر =حضرت غوث الاعظم سیدعبدلقادر جیلانی محبوب سبحانی بغداد شریف والے
کیں نوں =ہور کس نوں
بدیاں ولاے کاغذ =بھیڑے اعمال نامے
در=ردگاہ ۔ دروازہ
دھک نہ =دھکادے کے باہر نہ کڈھ
ایڈ =ایڈ ۔ اپنے
بخشندوں =بخشواندوں
کیں نوں =کس نوں
بخشنہار نوں کجھ اجیہے بندیاں دی لوڑ ہوندی اے۔ جنہاں اوہ بخشاوے نہیں تے بخشنہار دا لقب اوہدے تے سجے گا ای نہیں۔

 

107
سن فریاد پیراں دیا پیرا آکھ سناواں کیں نوں ہُو
تیرے جیہا مینوں ہورنہ کوئی میں جیہیاں لکھ تیں نوں ہُو
پھول نہ کاغذ بدیاں والے درتوں دھک نہ میں نوں ہُو
ایڈ گناہ نہ ہوندے باہو توں بخشیندوں کیں نوں ہُو


اوکھے لفظاں دے معنے

پیراں دا پیر =حضرت غوث الاعظم سیدعبدلقادر جیلانی محبوب سبحانی بغداد شریف والے
کیں نوں =ہور کس نوں
بدیاں ولاے کاغذ =بھیڑے اعمال نامے
در=ردگاہ ۔ دروازہ
دھک نہ =دھکادے کے باہر نہ کڈھ
ایڈ =ایڈ ۔ اپنے
بخشندوں =بخشواندوں
کیں نوں =کس نوں
بخشنہار نوں کجھ اجیہے بندیاں دی لوڑ ہوندی اے۔ جنہاں اوہ بخشاوے نہیں تے بخشنہار دا لقب اوہدے تے سجے گا ای نہیں۔



108
سن فریاد پیراں دیا پیرا عرض سنیں کن دھر کے ہُو
بیڑا اڑیا وچ کپراں جتھے مچھ نہ بہندے ڈر کے ہُو
پہنچیں میراں وڈیاں بھیڑاں جُھٹ شہباز دا کر کے ہُو
پیر جنھاں دا میراں باہُو کدھی لگدے تر کے ہُو


اوکھے لفظاں دے معنے

پیراں دا پیر =ٹ ک 107
کن دھر کے =بڑے گوہ نال
کپر=پتن توں علاوہ دریا دا اُچا کنڈھا ۔ ڈھا دی وجہ نوں اوتھوں ڈھگاں بیڑی اُتے ڈگ سکدیاں نیں۔ ہر ویلے ڈھگاں تے ڈگن دی ڈراونی اواز آوندی اے۔ ایس لئی مچھ وی ڈر کے نس جاندے نیں
مچھ=مگر مچھ ۔ سنسار
میراں =ٹ ک 31
بھیڑ = مصیبت ۔ اوکڑ ۔ تنگی
جھٹ =جھپٹا۔ فوری حملہ
شہباز =ٹ ک 104
کدھی = دریا دے پارلے کنڈھے
ترکے = وحدت دے دریا وچوں تر دے ہوئے



109
سوز کنوں تن سڑیا سارا دکھاں ڈیرے لائے ہُو
کوئل وانگ کو کیندی وتاں ونجن دن اضائعے ہُو
بول پیہا رت ساون آئی مولا مینہ ورسائے ہُو
صدق تے قدم اگوہاں باہُو ایہ گل یار دلائے ہُو


اوکھے لفظاں دے معنے

کنوں =ٹ ک 96
ذکر =ٹ ک 60فکر ٹ ک 60
سوز =جدائی دا ساڑ سیک
سوز کنوں =وچھوڑے دی بھاہ دے کارن۔ وچھوڑے پاروں
کو کیندی وتاں =کو کدی پھرنی ہاں
ونجن دن اضائعے =دن ضائع جا رہے نیں
پپہیا=پپہیا بینڈا صدق =ٹ ک 50
تے = اتے۔ دے نال
ورسائے =برسائے ۔ ورھائے
اگوہاں =ت ک 9
دلانا=مڑنا واپس لے آونا ۔ رٹھے نوں منا کے لے آونا



110
سو ہزار تنہاں توں صدقے منہ نہ بولن پھکا ہُو
لکھ ہزار تنہاں توں جیہڑے گل کریندے ہکا ہُو
لکھ کروڑ تنہاں توں باہو سون سڈاون سکا ہُو
نیل پدم تنہاں نوں باہو سون سڈاون سکا ہُو

اوکھے لفظاں دے معنے

سو ہزار=سینکڑے تے ہزاراں روپئے
صدقے (کینے) = قربان کینے۔ وارے گھولے اتوں ست کے نچھاور کینے
منہ نہ بولن پھکا.......=اوہ مبارک منہ جیہڑے ہمیشہ مٹھا بولن کسے نال دکھاویں گل نہ کرن
ہکا گل کرن =اپنی گل تے قائم رہن ۔ وعدے توں نہ مکرن
نفس جھکا رکھن =اپنے نفس نوں نیواں رکھن۔ عاجزی سکینی وچ رہن ۔ مان تکبر نہ کرن
سون =سونا
سون سڈاون سکا =سونا ہون دے ہوندیاں دے ہویاں وی اپنے آپ نوں سکا (
lead) اکھوان تے راضی رہن ۔ آپا مارن والے لوک نیں جنہاں تکبر نوں کھرل کر کے چوکھا مہین کر چھڈیا اے۔ کسر نفسی دی سکھر تے پجے لوک ایس بیت وچ چار وناں دے لوکاں دا درجہ وار اگھ رقماں دے ہندسیاں دی مدد نال متھیا گیا اے۔ ہزار نوں اگے ہندسیاں دی ترتیب انج اے لکھ۔ کوڑ ارب۔ کھرب۔ نیل ۔ پدم ۔ سنکھ
نیل=سو کھرب
پدم=سو نیل دی گنتی (اک دے سجے پاسے پندرہ بندیاں پاؤ)

 


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels