Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> پُورن بھگت - قادر یار >> قصہ پورن بھگت پنجویں سہ حرفی بند 21-30

قصہ پورن بھگت پنجویں سہ حرفی بند 21-30

قادر یار
February 19th, 2008



21

ک۔ کرم ہوئے تدوں اِچھراں تے              رب اوس نوں ناتھ جی نین دتے
ویکھ صورت میری تدوں رون لگی          بچہ چھڈ کے جائیں نہ ول کتے
مینوں ترسدی نوں رب میلیا ہے              رب لکھے سی پورنا بھاگ مِتھے
قادر یار کیہا میں پھیر مل                    ساں تدوں تر کے آیا ہاں ول اِتھے

22

ک۔ کُفر تھیں گُرو جی خوف آوے         جیہڑا حکم کرو سوئی کرے چیلا
                                                      جے کر کہو کراں تپ وچ بیلا
میرا بچن ہے ناتھ جی نال ماتا                 تیری کِرپا جو ہوے تاں میلا
قادر یار دیال ہو گُرو کہندا                   بچہ چلاں گے سب لے نال ڈیرا

23

ل۔ لد اسباب سب سادھ چلے               چڑھ پربتاں دے اُپر جا بھاری
کوئی کرے تپسیا کٹھن بھاری
نام سائیں دا جپدے دِنے راتیں                  اِک ساس نہ دین بھُلا بھائی
قادر یار سادھ خُدا دے جی                    کر کے کرم دیندے بنے لا بھائی

24

م۔ مَل بیٹھے نی سادھ ڈیرے                چرچا کرن جو جوگ دھیان دا جی
سدھ روپ دا کردے جاپ سارے             مایا تجی ہے دیش جہان دی جی
پُورن ویکھ کے گُراں دی چال ساری          رچ رہی ہے وِچ جہان دے جی
قادر یار تدوں پھیر آکھدا ای                  گُرو سنیئے بات نادان دی جی

پُورن دا مُڑ ماں نوں ملن آونا

25


ن۔ نال دے سِدھّاں نے کیہا اُتھے                جی اسیں چلیئے سیل ولائتاں دے
دکھن پُورب تے پچم ویکھ سارے                      لتھے آکے وچ گجرائتاں دے
ٹلے اپنے تے سدھ آ بیٹھے                            وڈے سورمے نی کرامائتاں دے
قادر یار کیہہ سدھاں دی صفت کرئیے            بنھ بیٹھے نی کوئی جماعتاں دے

26

و۔ وسن سیالکوٹ اندر ! !                         میری مائی تے باپ اناتھ سادھو
میں تاں مائی دے نال قرار کیتا                  پھیر آواں گا دوجڑی وار سادھو
پُتر بھیا رسالو سلواہن دے جی                  راج دِتا ہے اوس نوں ناتھ سادھو
قادر یار پرتِگیا پُوری کرئیے !                    نال دھرم دے کرناہے ساتھ سادھو

27

ح۔ حکم کیتا گُرو ناتھ نے جی               سِدھ منڈلی اُٹھ تیار ہوئی
دُھوڑ انگ ببھوت تے پہر خِلتے               ناد سِنگیاں دُھنک ادھار ہوئی
مُکھوں تُرن الکھ جگاء کر کے                خبر تُرت ہی وچ سنسار ہوئی
قادر یار میاں رانی اِچھراں دے               بھاگ جاگ آئے خبردار ہوئی

28

ل۔ لا دِتا وِچ باغ ڈیرا !                    راجا سنے پروار چل آیا ای
رانی اچھراں تے سلواہن راجا          لُونا پُتر رسالُو جو جایا ای !!
ہور نوکراں چاکراں ٹہلناں نے         ہتھ جوڑ کے سیس نیوائیا ای
قادر یار جاں گُراں دا درس کیتا          راجے رانیاں نے سکھ پایا ای

29

الف۔ الکھ جگاء کے آکھیا سؤ !          راجا منگ لے جو کجھ منگنا ای
اگوں اُٹھ رسالو نے بچن کیتا               کرامات دسو کیا منگنا ای
پُورن اپنے گُرو نوں یاد کر کے             جھولی وچوں دتا کڈھ کنگنا ای
قادر یار جاں ڈٹھیا جوگ سکتا            ہتھ جوڑ کے دان سُکھ منگیا ای

30

ی۔یاد کیتا پُورن ماؤں تائیں                بچہ کیتا ای قول قرار پُورا !
سدھ منڈلی دے وچ جوگی وڈا              ہن ملیا ہے ناتھ جی گرو پورا
بھرم بھید بھاگے میرے جنم دے جی        مُکت ہو بے کنٹھ جا پہنو چوڑا !
قادر یار قصہ پُورن بھگت والا                تُسیں سنو لوکو ایتھے ہویا پورا


 


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels