Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> پُورن بھگت - قادر یار >> قصہ پورن بھگت دوجی سہ حرفی بند 1-10

قصہ پورن بھگت دوجی سہ حرفی بند 1-10

قادر یار
February 20th, 2008



راجے دی پُورن نال گل بات تے قتل دا حکم

1)

الف۔ آؤ کھاں پُورنا کہے راجا                      بچہ نِج تُوں جمیوں جائیوں وو
جے میں جاندا ماردا تدوں تینوں                   جدوں بھوہرے پالنا پائیوں وو
سینے لائیو ای پُورنا داغ میرے                    رکھے پیر پُٹھے گھنی چائیوں وو
قادر یار کہندا سلواہن راجا                         گھر کیہ کرتوت کر آئیوں وو

2)

ب۔ بہت ہویا قہروان راجا                         رتو رت متھا چمکے وانگ چُنی
کہندا دور ہو پورنا اکھیاں توں                     ٹنگوں لنگ چرا کے چونہویں کنیں
جدوں میں ویاہ دی گل کیتی                       تدوں رون لگوں دھر ہتھ کنیں
قادر یار کہندا سلواہن راجا                            ہن کیتی آ پسند ماؤ ونی

3)

ت۔ تُہمت از غیب دی بُری ہندی                   پُورن گھت اندھی رُناّ زار زاری
کہندا وس نہ بابلا کجھ میرے                            تہاڈی ماپیاں دی گئی مت ماری
ہور کسے دس کجھ نہ جاونا ای                            مینوں مار راجا تیری بدھ ماری
قادر یار جے کول اوگاہ ہوندے                             کہندے کھول حقیقتاں تُرت ساری

4)

ث ثابتی میری توں ویکھ راجا                      اک تیل دا پورا کڑھا تاؤ
تپے تیل جاں اگ دے وانگ ہووے               اک دست میرا پکڑ وچ پاؤ
سچ نِترے سچیاں جھوٹھیاں دا                      اکھیں ویکھ کے کجھ کلنک لاؤ
قادر یار جے اُنگلی داغ لگے                            پھیر کرو مینوں جیہڑی طبع چاہو

5)

ج۔ جوش آیا سلواہن راجے                       اگوں اُٹھ کے اِک چپیڑ ماری
کہندا پھیر بروبری بولنا ہیں                      کریں غضب حرامیا ایڈ کاری
اکھیں ویکھ نشانیاں آیا میں                       تیرے دِل دی پُورنا گل ساری
قادر یار گناہ نہ دوش کوئی                          پورن گھت روندا اوندھی زار زاری

6)

ح۔ حکم نہ پھیر دا کوئی اگوں !                     پریشاں سارا پروار ہویا
تھر تھر کنبدے محل تے ماڑیاں نیں                   قہروان جدوں سردار ہویا
کرے سد کے حکم جلاداں نوں                         دُھمی خبر نگری ہا ہا کار ہویا !
قادر یار وزیر نوں دئیے گالیں                          تیری عقل کیہڑی درکار ہویا


اِچھراں نوں پورن دی سزا دا پتا لگنا

7)

خ۔ خبر ہوئی رانی اِچھراں نوں                         جس جائیا پُورن پُت سائی
چُوڑا بھن تے توڑ حمیل بیڑا                              وال پٹ رانی سر خاک پائی
مندا گھاء پیاریاں پتراں دا                                 رانی بھج کے راجے دے پاس آئی
قادر یار کھڑو پُکار کر دی                                  ایہدے نال کیہہ راجیا ویر سائی

8)

و۔ ویکھ رانی کہے آپ راجا                              ایہدے نال گواؤں گا مار تینوں
کیہے دار بدکار نوں جمیا سئی                        جس جمدیاں لایا ای داغ مینوں
جنہاں وچ حیاؤ نہ شرم ہووے                          میرے پتر نہ جمدے نِج کینوں
قادر یار کہندا سلواہن راجا                              تد وسدا جے تسی ورو ایہنوں

9)

ذ۔ ذرا نہ راجیا گل سچی                         جس گل دا بھرم وچاریا ای
کہندی اِچھراں راجیا ہوش کیجے                 کُوڑی تہمتوں پُتر نوں ماریا ای
آکھے لگ رناں ہتیاریاں دے                         کرم متھیوں اپنیوں ہاریا ای
قادر یار راجے سلوہن اگے                               رانی اِچھراں جاء پُکاریا ای

10)

ر۔ رہے نہ ورجیا مول راجا                           اوسے وقت جلاد سداوندا ای
لگے رون دیوان وزیر کھلے                           دل راجے دے ترس نہ آوندا ای
ایہدے ہتھ تے پیر آزاد کرو                         راجا مکھ توں ایہہ فرماوندا ای
قادر یار کھلو کے ماؤں تائیں                            پُورن بھگت سلام بلاوندا ای


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels