کوئی دستار رت لِبڑی' کوئی تلوار آئی ہے لیاؤ سردلاں توں چک کے' اخبار آئی ہے گھراں دی اگ سیانی اے، تدے ایس دی لپیٹ اندر بگانی دھی ہی آئی ہے کہ جنی وار آئی ہے لگائی سی جو تیلاں نال، بجھائی نہ اپیلاں نال نہیں مڑ دی دلیلاں نال اگن جو دوار آئی ہے اے میرے شہر دے لوکو' بہت خوش ہے تہاڈے تے تہاڈے شہر ول گِرجھاں دی ' ایہہ ڈار جو آئی ہے اسیں بیجے' تُساں بیجے' کسے بیجے چلو چھڈو کرو جھولی، بھرو انگیار لؤ کہ بہار آئی ہے ندی اینی چڑھی کہ ، نیر دہلیزاں تے چڑھ آیا بدی اینی ودھی کہ ' آپنے وِچکار آئی ہے کوئی کونپل نویں پھُٹی ' کہ کوئی ڈال ہے ٹٹی کہ آئی جان وچ مُٹھی، کسے دی تار آئی ہے
