Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> نظر

نظر

سرجیت پاتر
March 23rd, 2008

لگی نظر پنجاب نوں
ایہدی نظر اُتارو
لے کے مرچاں کوڑیاں
ایہدے سر توں وارو
سرتوں وارو، وار کے
اگ دے وچ ساڑو
لگی نظر پنجاب نوں
ایہدی نظر اُتارو
مرچاں زِہروں کوڑیاں
مرچاں سِر سڑیاں
کِدھروں لین نہ جانیاں
ویڑھے وچ بڑیاں
پہلی بھرویں فصل
ایہناں دی اودوں لگی
جد آپے پنجابیاں
پنجابی چھڈی
تے فیر اگلی فصل دے
بی گئے کھلارے
وڈھے گئے نردوش جدوں
راہ جاندے مارے
وڈھن والے کون سن
ایہہ بھیت نہ لگا
پر بے دوشا خون تاں پگاں سرلگا
اوہی چھٹے خون دے
بن گئے بہانہ
ساڈی پگ نوں پے گیا اینا بیگانہ
جتھوں تک چھاں تخت سی
اگاں ہی اگاں
چوک چوراہے سڑدیاں پگاں ہی پگاں
پتے بُوٹے ڈوڈیاں
پھلاں دیاں لڑیاں
سبھ کجھ اگّ وچ سڑ گیا
مرچاں نہ سڑیاں
اوہ مرچاں زہریلیاں
ایہدے سر توں وارو
سر توں وارو وار کے
اگ دے وچ ساڑو
اگ پتراں دی جیبھ ہے
اوہدی بھیٹا چاڑھو
اوہ پتراں دا بیجیا
بیتے سنگ ساڑو
لگی نظر پنجاب نوں
ایہدی نظر اُتارو
لے کے مرچاں کوڑیاں
ایہدے سر توں وارو


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels