Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> اج فیر بہت اُداس ہے آتما رام

اج فیر بہت اُداس ہے آتما رام

سرجیت پاتر
March 23rd, 2008

اج فیر بہت اداس ہے آتما رام
اُنج تاں اوپ آپنے آپ نوں اے۔ آر۔کپور کہندا ہے
ڈھکیا جیہا دور دور ہی رہندا ہے
انگریزی بولدا ، اُچا جیہا بہندا ہے
پر ایہو جیہے اُداس پلاں وچ
اوہ اے ۔ آر۔ کپور توں آتما رام بن کے،
من دے ہنیرے وچ پچھانہہ مڑ جاندا ہے
چڑھیاں پوڑیاں اُتر داہے
پنجابی وچ بُڑبڑاوندا ہیٹھ ہی ہیٹھ نگھر دا ہے
تے آپنے آپ نوں'
اک پنڈ دے کچے جیہے گھر وچ پاؤندا ہے
جتھے دیوے دی لوئے
اس دی موئی ماں پُٹھا چرخہ گیڑ دی ہے
نبڑ گئی نوں چھیڑ دی ہے
بنے ہوئے نوں اُدھیڑ دی ہے
بُڈھیاں اکھاں نال اوس نوں پہچان کے کہندی ہے
آگیا آتما رام
کہندی ہے تے بڑا کجھ کہندی رہندی ہے
پتہ نہیں کیہ کیہ دُکھڑے روندی ہے
کدی کشلیا، کدی اچھراں بن جاندی ہے
اُس دیاں گلاں دا گلا بالن دُھکھدا ہے
جس چ اے۔ آر۔کپور دا دم جیہا گھٹدا ہے
پر آتما رام نوں اک چین جیہی ملدی ہے
کہ اج اوس نوں ماں مِل گئی
جیہڑی اوس نوں ویکھن نوں ترسدی ہی تُر گئی
جدوں اوہ شہر رہندا سی
تے پنڈ آؤنو جیویں تریہندا سی
اپنے آپ نوں اے۔ آر ۔کپور کہندا سی
انگریزی بولدا' ڈھکیا جیہا دور دور ہی رہندا سی
اوہ وی کیہ کردا
موہینی مُکھ مَنی ایہو کجھ چاہوندی سی
ماں دی کرونا اوس نوں قبر وانگ ڈراؤندی سی۔۔۔
ماں دی ممتا
گھر دی مُہاٹھ
مڑھیاں تے مندر
سبھ کجھ اتیت دے پانی وچ ویہہ گیا
تے او نش چت' اک اچی جیہی تھاں تے بہہ گیا
پر کدی کدی
اس دے سینے وچ تِکھی سانگ لگدی ہے
تے اوہ شہر دی اُچی عمارت توں ایس طراں لُڑھکدا ہے
کہ سَے کوہاں دور،
آپنے پنڈ دے وِک چُکے گھر دے ویڑھے وچ'
وڈھے جا چکے رُکھ دی چھاویں جا ڈگدا ہے
جتھے اوس دی موئی ماں پُٹھا چرخا گیڑ دی ہے
نبڑ گئی نوں چھیڑ دی ہے
بُنے گئے دُکھ ادھیڑ دی ہے۔۔۔
آتما رام مُڑ مُڑ ایتھے ہی کیوں آؤندا ہے
شاید ایس لئی،
کہ ایتھوں ہی اوہ اِک ایسا موڑ مُڑیا سی
کہ مڑ کے آپنے آپ نوں نہیں ملیا سی۔۔۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels