Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> کیہ اُس دا دل

کیہ اُس دا دل

سرجیت پاتر
March 23rd, 2008

کیہ اس دا دل بھٹی، لوہا، آہرن اتے ودان نہیں
ٹھیک ہے اس دے ہتھاں دے وچ اِس ویلے کرپان نہیں
جامے دی کر لئی تلاشی، جی وچ کیہ ہے تکیا نہ
ورد وی خنجر بن جاندا ہے' تینوں اس دا گیان نہیں
جسم نے مرنا ہوندا' اوس نوں کجھ نہ کجھ مل جاندا ہے
کیہ ایکم دا چن ہی کالی رات دے وچ کرپان نہیں
اکھاں وچ دو اتھرو چمکے اک شیشہ' تلوار ہے اک
اس واری میں آپنے من دے دوش توں وی انجان نہیں
اس واری تاں ثابت کر کہ تُوں میرا میں تیرا ہاں
ہن مینوں اُپدیش نہ پوہندے' سننے میں فرمان نہیں
اس واری توں ہی کر ثابت، توں میرا، میں تیرا ہاں
ہر واری توں ہی کر ثابت' توں میرا' میں تیرا ہاں
ہر واری میں سولی چڑھ جاں ' مینوں ایہہ پروان نہیں
توں وی کجھ کجھ یاد کرا کوئی سوچ سُجھا کوئی لفظ ہی دے
میرا دُکھ میرے توں ہوندا پوری طراں بیان نہیں
واقعے بھل گئے نیں مینوں' ہول جیہا بس باقی ہے
درد جیہا ہے جس دے کارن' کوئی نام نشان نہیں
میرے سینے لگ کے' مینوں زارو زار روا ہی دے
دامن تیرا بھج دی جاؤ' تاں بہتا نقصان نہیں
میرے جسم نوں میرا دل ہی' اندروں کھوری جاندا اے
ہور کسے نوں کیہ جد ٹلدا' ایہی بے ایمان نہیں
لفظ تاں تیرے اوہی نیں' پر لہجہ ہے کجھ ہور جیہا
تیری رمز نہ سمجھے پاتر' اینا ہی انجان نہیں


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels