فیصلے ہون گے پر کدوں ہون گے فرد لگ جائے گی منصفاں دے گلاں وچ رسن ہوئے گی تے عدالت دے مینار سڑدے ہوئے ' سُنے عرشاں چ فریاد جا کرن گے فیصلے ہون گے پر کدوں ہون گے؟ توتلے اتھرو جد ہواواں دے وچ بن کے دہشت تے نفرت دی ویوہ رلن گے جد بے دوشا لہو ڈُلھ کے دھرت چوں بن کے اگاں دے طوفان اُگ آئے گا ماواں بھیناں دے ہر دے دیاں سنیاں انھیریاں کالیاں بیہیاں اندر آخری وار ویناں دی واج آوے گی فیصلے ہون گے پر کدوں ہون گے ؟ جد دُھواں ہی عبارت لکھے گا فضاواں دے وچ سبھ مقدس کتاباں چوں اُٹھدا دُھواں سبھ کتاباں چوں اِکو جیہا ہی دُھواں ودھ رہے' فیصلے آرہے اس دھوئیں دے خلاف میں ' اسیں' اوہ ' تُسیں ساڈے وانگوں ہی سبھ سوچدے سوچدے دیر کر دین گے کجھ کہن لگیاں کمبدے کمبدے ساڈے بلھاں اُتے بول دے درمیان جان آجائے گی اپنے بالاں دا آجائے گا پال پن اپنی پتنی دا اِحساس آجائے گا اینے چر نوں دھواں' ساڈے بالاں دے ساہاں چ رل جائے گا سوچ مُک جائے گی خوف مُک جائے گا فیصلے ہون گے پر ایوں ہون گے اگ عدالت تے منصف دی اگ ہوئے گی اپنے ہتھاں چ فرداں دی اگ ہی پھڑو تے وکیلاں دے وانگوں وی اگ ہی لڑو تے ایہہ کوِتا کتاباں وچ اگ ہی پڑھو۔۔۔۔
