Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> دُھکھدا جنگل >> میرے سینے چ کون روندا ہے۔۔۔۔

میرے سینے چ کون روندا ہے۔۔۔۔

سرجیت پاتر
March 23rd, 2008

موئی امڑی کہ اُجڑیا ویڑھا
جاں بہو پردیس ہے پِتا جیہڑا
جاں اوہ چہرہ جو میں سی ٹھکرایا
جاں اوہ مُکھڑا جو ساتھ نہ آیا
میرے سینے چ کون روندا ہے ؟
جاں اوہ دن جو بیارتھ بیت گئے
جاں کہ اوہ رب جو دل چ ادھ مویا
جاں اوہ آہت میں ٹل گیا جس توں
جاں اوہ زخمی میں جس نوں چھڈ آیا
میرے سینے چ کون روندا ہے ؟
جاں کوئی سوگ کسے ہوئی دا
جاں کوئی ڈر اج نہ ہوئی دا
جاں کسے ہوئی ہار دا جھورا
جاں کسے ہون والی دا کھورا
میرے سینے چ کون روندا ہے؟
کوئی اِچھا اج ادھوری ہے
کوئی آدرش جو میں مِدھ آیا
جاں کوئی شخص جس نوں موت دے مونہہ
جان آپنی بچا کے چھڈ آیا
میرے سینے چ کون روندا ہے ؟
کوئی رادھا جاں رُکنی ہے ایہہ
کوئی سِیتا کہ درپدی ہے ایہہ
مات اِچھا ہے جاں ایہہ لونا ہے
صاحباں ہے یاں کوئی سُندراں ہے
میرے سینے چ کون روندا ہے ؟
ہے ایہہ سلاون کام دا بھِٹیا
جاں ایہہ پورن ہے کھوہ دے وچ سُٹیا
جاں رسالو ہے کوکلا پھٹیا
جاں ایہہ روندا ہے بوٹیاں کٹیا
میرے سینے چ کون روندا ہے؟
جاں ایہہ نگل ہے ماچھی واڑ دا
جاں چیتا ہے اس دیہاڑے دا
جد سی وگدی ندی دا دل پتھر
واک بکھرے تے ہو گئے اکھر
میرے سینے چ کون روندا ہے ؟
جاں ایہہ ماواں نے لال جنہاں دے
رات ہوئی گھراں نوں نہ پرتے
جین جوگے گئے ' مُڑ موئے
ہونا وارث سی ' پر پتر ہوئے
میرے سینے چ کون روندا ہے؟
تیری بانی توں فاصلہ ہے ایہہ
میرا میرے توں ہی گلہ ہے ایہہ
بھٹکیا ساڈا قافلہ ہے ایہہ
میرے برکھن دا سلسلہ ہے ایہہ
میرے سینے چ کون روندا ہے ؟



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels